على طريقة قاعة “سفير”… إزاي تعمل حدث ناجح ضخم في زمن الكورونا؟

على طريقة قاعة “سفير”… إزاي تعمل حدث ناجح ضخم في زمن الكورونا؟

في وسط كل حدث مهم ضخم…
بيبقى فيه أبطال مجهولة… نجوم ورا الكاميرات.

بيبقى كل همهم إن البلد تكون ظاهرة دايمًا بشكل عظيم… حضاري ويرفع الرأس!

 إمبارح في إسكندرية السيد الرئيس/ عبد الفتاح السيسي وأكبر كوادر الدولة كانوا متجمعّين
عشان حدث مهم جدًا وكبير مليان بأمل وخير لمصر وأهلها… الحدث ده هو بشائر الخير 3 في منطقة القباري، بمحافظة إسكندرية.

وكلنا شوفنا افتتاح المشروع وجماله ومستوى الشياكة اللي كان فيها…

 بس اللي كتير مننا مركزّش فيه…
هو إزاي في ظل كل الظروف اللي إحنا فيها دي
قدّرنا ننظم حدث كبير ومهم زي ده؟؟
إزاي في ظل كل التحفظات والقلق عرفنا نشوف قدامنا حدث بالضخامة دي؟!

━━━━━━━━━━━━━━━━━━━

الحقيقة إن كان فيه ناس سهرانة بالليالي عشان تخلّص شغلها على أكمل وجه…
عشان يوم زي ده لما يجي وحدث زي ده حيغيّر حياة ناس كتير للأفضل، يكون معمول له ألف حساب.

فيه في مصر رجال اعمال كتير وكل يوم بيعدّوا علينا…
لكن النهاردة إحنا قدام نموذج حقيقي بيحب بلده بجد وعايز يشوفها دايمًا في القمة!

رجل الأعمال “عطيه فرغلي” مؤسس مجموعة السفير للاستثمار… 
رجل الأعمال السكندري، صاحب اكتر من ٢٥ سنة خبرة في مجال السياحة والسفر.

بدأت مجموعة سفير للاستثمار أول مشاريعها بإنشاء قاعات السفير
اللي قامت باستضافة السيد الرئيس وأكبر كوادر الدولة في إفتتاح “بشائر الخير 3” وكلنا شوفناها في شاشات التلفزيون…
واللي بتعتبر من أكبر القاعات متعددة الأغراض في الإسكندرية ووجه بحري كله.

فريق كامل من عمال، ومهندسين ومتخصصين وعلى رأسهم طبعًا رجل الأعمال “عطيه فرغلي”
مكانوش بيناموا أسابيع وليالي عشان يجّهزوا قاعة سفير عشان تحتضن بين جدرانها أكبر أحداث في مصر في 2020.
وعشان يحرصوا على إن كل الإمكانيات والشاشات ومكبرات الصوت وكل المعدّات
على أعلى مستوى وبدون أي أخطاء…

 

وكان قدامهم أكبر تحدي ممكن يقابلوه…
وهو

إزاي قاعة سفير قدرت تنظم حدث بالضخامة دي
ويستقبلوا أهم كوادر الدولة
ويحافظوا على سلامتهم وأمانهم في ظل الظروف اللي العالم فيها؟؟ 

والإجابة برده في إن…

“عطيه فرغلي” ومعاه فريق كامل من القائمين على قاعة “سفير” كانوا متأكدين
إن كل شبر في المكان تم تعقيمه وتطهيره بشكل غير مسبوق وعلى قدر من الاحترافية،
مع تجهيز القاعات وأماكن الجلوس بشكل لا يقل عن أي حدث عالمي كبير
زي ما شوفنا على شاشات التلفزيون في البث المباشر على أبعاد مدروسة ومحسوبة،
تحافظ على قواعد البُعد الإجتماعي اللي بيتم تطبيقه في العالم كله لحماية الحضور والحفاظ على سلامتهم.

ده غير تصميمات القاعات اللي فعلًا يعتبر تحفة فنية
ويمتاز بالشياكة والرقي الحقيقي اللي بيقول إن قاعات “سفير”
حتكون هي وجهة أي حد بينظم أو بيخطط لإقامة أي أحداث أو مراسم مهمة….
،،

إحنا محظوظين فعلًا إن فيه في بلدنا مصر نماذج مشرّفة 
عارفة بتعمل إيه…
وبتدرس وبتخطط عشان استثمارتها تكبر جوّه مصر ومعاها يكبر مستقبل بلدنا وولادها…

شكرًا “عطيه فرغلي” وفريق عمله العظيم
اللي سهروا واشتغلوا عشان نشوف حدث كبير زي ده
في ظروف صعبة زي دي…

ومنتظرين لسه مستقبل عظيم من إستقبال أحداث مختلفة في قاعة سفير في إسكندرية.