إنترفيو ع السريع مع سلمى سامح شمس الدين

إنترفيو سريع مع الكاتبة سلمى سامح شمس الدين

…..

وسط كُتاب شباب كتير، سلمى قدرت تثبت نفسها
ويبقى لها جمهور كبير بيستنى جمهورها من السنة للسنة
وبعد إنتهاء معرض “إسكندرية” للكتاب الفترة اللي
فاتت جتلنا فرصة إننا نعمل معاها إنترفيو
: لذيذ خفيف معاها وسألناها شوية أسئلة

س: مين هي “سلمى” على السريع كده؟

  ج: إسمي سلمى سامح شمس الدين
عندي ٢٦ سنة، إشتغلت حاجات كتيرة

من سن صغير وحالياََ وصلت لإني
“أبقى مديرة نشر  في دار “الرسم بالكلمات
عندى ٤ أعمال

١- كتاب وتركتني وحيدة في المطبخ

٢- رواية للمنكسرة قلوبهم

٣- رواية أخطاء الليلة الماضية في أسطنبول

٤- رواية منازلهم صغيرة لا تسعني

…..

س: كلمينا عن أول مرة تمسكي قلم وتجربي تكتبي

ج: أول مرة أمسك قلم كنت في ٦ إبتدائي تقريباً كنت بحاول أكتب مشهد
 زى رجل المستحيل, كانت قدوتي
منى” وفشلت فشل كارثي”

…..

س: إيه أول كتاب قرأتيه وحسيتي إنك
بعدها لازم تبدأي تكتبي إنتي كمان؟

“ج: في الأول كان “رجل المستحيل
“وبعدها سلسلة “ما وراء الطبيعة
“وآخرهم سلسلة “زهور وعبير

كنت طفلة بس بحب القراءة جدًا
.وكان نفسي أكون زى الناس دول

…..

س: إيه أول كتاب إتطبع لك وكان إمتى؟

“ج: إبني الأول كان”وتركتني وحيدة في المطبخ
وده إتطبع سنة ٢٠١٧

…..

س: مين من الكُتاب بتعتبري نفسك من مدرسته
وماشية على طريقته؟

ج: مش كاتب معين ومش طريقة معينة
بس كاتبي المُفضل “أحمد خالد توفيق” – الله يرحمه –

!س: من مكتبتك الشخصية رشحي للناس٣  كتب

ج: ٣ كتب بس، بعيدًا عن كل كتب
“دان براون“ و“أحمد خالد توفيق”
:هو سؤال صعب بس خليني أقولك

١- وحدها شجرة الرمان

٢- صلاة طعام حب

٣- الدجاجة التي حلمت بالطيران

…..

“س: إيه الموقف اللي حصلك في “حفلة توقيع
وعمرك ما هتنسيه في حياتك؟

…ج: هو كان موقف درامي أنا عارفة بس حقيقي
كان فيه بنت جت حضنتني وكانت بتعيط
كان عندها إكتئاب قوي فترة وصلها لأفكار سيئة جداً
ورواية “للمنكسرة قلوبهم“ ساعدتها
في إنها تقدر تعدي المرحلة دي
وقالتلي إنها طلبت من الدكتورة النفسية
بتاعتها ترشح لباقي المرضى روايتي

س: هل في رواية بتكتبيها حالياً ونازلة الفترة الجاية
لو في ممكن تكلمينها عنها؟

“ج: بكتب الجزء الثاني من “أخطاء الليلة الماضية في أسطنبول
بس هتكون في بلد مختلفة ومش هقدر أعلن عن تفاصيل دلوقتي

…..

!س: نصيحة تقدميها للناس اللي عايزة تبدأ تكتب روايات

ج: إكتب كتير وإتمرن، إشتري كتب تساعدك على كتابة الرواية منهم
 “تقنيات كتابة الرواية”
هيساعدك جدًا وطبعا القراءة