ارعبني, شكرا

عيد الهلع أو كما يطلق عليه (الهالووين), مليان عادات وأشكال إحتفالات غريبة برة, بس ماذا لو قررنا نحتفل بيه في مصر؟
.تعالوا هناخدكوا في رحلة بقطر الرعب لزخانيق مصر ونوريكوا إزاي المصريين ممكن يحتفلوا بالهالووين

ماذا لو طقوس الهالووين الشهيرة برة كانت في مصر؟

مبدأيا طبعا أشهر شكل من أشكال الإحتفال بالهالووين بره هما الأطفال اللي بتعدي على البيوت عشان
“trick or treat” :ياخدوا الحلويات ويقولوا الجملة الشهيرة

.لأن أصل الموضوع إن لو الأطفال عدوا على البيت وماخدوش الحلويات, هيتصرفوا تصرفات مش لطيفة مع صاحب البيت
أما إحنا في مصر غالبا, يأما هنخبط على الباب ونجري أصلا
“يأما هنستنى أول ما صاحب البيت يفتح وهنقول الجملة المصرية الشهيرة: “هتجيب بالذوق ولاااااا
.و سواء اخدنا الملبّس أو لا كده كده هنبهدل الدنيا وصاحب البيت ده هيتجاب في شوال

وكمان في بعض الولايات في أمريكا بيشترطوا الأطفال يقولوا نكتة سخيفة عشان ياخدوا الحلويات
.أنتوا متخيلين الخليل كوميدي ممكن يكسب قد إيه اليوم ده, غالبا ثروتة هتعدي بيل جيتس

و واحدة من أشهر طقوس الهالووين برة هي الفُرجة على أفلام رعب
وفي ثقافة أفلام الرعب فيها هي (كامب و الإنس والجن ومصاص دماء في شكل الفنان أحمد عدوية) فإحنا ممكن نبدل ده بالفٌرجة على كرتون شركة المرعبين المحدودة عادي جدا

طبعا هينحتوا على اليقطين هننحت ع البطيخ إحنا مابنتهددش

و أخيرا حفلات التنكر واللي أصلها إيمانهم إن في اليوم ده الأرواح الشريرة بتستيقظ وبتبقى محاوطاهم, فبيتنكروا عشان يستخبوا والأشباح ماتعرفهمش
بس إحنا هنا ماحدش مستعد يعرفنا فمش محتاجين نتنكر, و بعدين إحنا لو اتنكرنا هنتنكر في موز و بتنجان والأشباح اللي رجعت للحياة دي هتموت -تاني – من الضحك

عادات غريبة

بره في مختلف بلاد العالم في وقت الهالووين بيبقى في عادات وطقوس غريبة
زي إن في سكتلندا بيحاولوا يقشروا تفاحة على مرة واحدة
في اليابان مثلا بيولعوا فوانيس لانترن على روح أمواتهم ويطيروها
في بعض الولايات المتواجدة على أطراف أمريكا, بيشعلوا نار على التلال لتخويف الأرواح الشريرة, إيمانا منهم إن اليوم ده الأرواح الشريرة بيهاجموا أمواتهم في المقابر
.وأي مكان مهجور وقديم وطلع عنه إشاعة إنه مسكون بيبقى مكان زيارة في اليوم ده

طقوسنا المصرية

طب ليه إحنا مايبقاش لينا عاداتنا والطقوس المرعبة الخاصة بينا في الهالووين
زي إن يبقى في اليوم ده في مسيرة تكاتك في كل المحافظات, مشغلة صوت الفنان أحمد عبد العزيز بصوت عالي ومعلقين بطيخة فوق كل توكتوك منحوت عليها صورة الفنان أحمد السقا وهو متعصب
“ونعرض في ساحات مفتوحة حلقات متتالية من “اللي فات سات
ويكون في إلزام بزيارة أختك وأولادها “القمرات” ليكوا اليوم ده
ومش هنغفل طبعا الأكل والمصطلحات المرعبة المرتبطة بيه في الثقافة المصرية, فلازم اليوم ده ناكل صوابع زينب وناكل أم علي والناس تاكل وشنا

الحقيقة مصر مليانة انبهارات ومفاجآت وممكن نعلي ع العالم في أي حاجه
وإحنا حبينا نوجه رسالة للعالم إن لو مصر فكرت بس تتحفل بالهالووين, العالم كله هيجي يحتفل في الأجواء المصرية وهنقضي يومها على إقتصادات دول
.لا تخافوا ولكن هزروا