محمد ايهاب يحطم الرقم القياسي العالمي لرفع الأثقال
0 comments
في اخبار تفرحك و في اخبار تانية تخلّيك تحس بفخر انك مصري، زي خبر انهاردة.
البطل محمد ايهاب حطم الرقم القياسي العالمي في بطولة العالم لرفع الاثقال تحت ٨١ كجم، برفعه ثقل ١٧٣ كجم و بكدة كتب البطل اسم مصر في الارقام القياسية و اللي كان آخر مرة حد حقق انجاز مصري زيّه هو خضر التوني في دورة الالعاب الاوليمبية ١٩٣٦ في برلين.
إنجازات محمد ايهاب موقفتش هنا بس، حصد كمان على ثلاث ميداليات متنوعة في البطولة رافعاً رصيد مصر من الميداليات ل١٠ ذهبيات و ١٢ فضية و ١٣ برونزية.
الانجازات اللي بيحققها المصريين سواء في الرياضة او مجالات تانية كتير، المشكلة بتبدأ لما بنركز على الاخبار اللي تضايقنا و بنبطل ندّي الاخبار اللي بجد تستحق الوقت و الكلام حقها.
احنا بنهنّي البطل محمد ايهاب على انجازه و بنتمنى يفضل دايماً رافع اسمه و اسم بلده في العالم.