أجدد طرق عمل الفلافل في يومها العالمي

أجدد طرق عمل الفلافل في يومها العالمي

بتبقى معدي في الشارع  الصبح لسة مخلص تمرين او بعد صلاة الجمعة و فجأة تلاقي نفسك بتقول ايه الريحة الحلوة دي و تتشدليها و تجري تشتريها عشان ترجع لأهلك بيها و تقولهم : جبتلكم فلافل يلا نفطر
و عشان النهاردة اليوم العالمي للفلافل قررنا نقولكوا اجدد طرق ممكن تاكلوا بيها الفلافل او الطعمية عشان محدش يزعل

 : برجر الفلافل 

بتتقدم في العيش الكيزر و صوص الأفوكادو مع قرمشة الفلافل و طعم السبانخ الطازة مع الجبنة الشيدر السايحة و فكرة الفلافل و انت بتاكلها زي البرجر, هتلاقي نفسك روحت في عالم تاني خالص من حلاوة طعمها

 

:فلافل محشية  بالبيض و البسطرمة 

طبعا أغلب  المصريين بيحبوا البيض بالبسطرمة اللي محدش بيختلف على طعمه تتخيلوا هيكون طعمها عامل إزاي ؟!
نفس طريقة عمل عجينة الفلافل بس نزود عليها كزبرة جافة وكزبرة خضراء وكمون وباكينج بودر و نحشيها بيض و بسطرمة و بعدين نحط شوية سمسم فوق الوش و نقليها

 

 

 : بيتزا الفلافل

اساس البيتزة دي هي عجينة الفلافل والحمص , اول ما تطلع من الفرن مقرمشة تقدروا تحطوا عليها كل الخضار اللي بتحبوه مع سلطة الطحينة بالجبنة السايحة و ممكن تزودوا عليها بسطرمة او لانشون

 

:الفلافل بالطريقة الكورية 

في ناس بتقول ان لخبطة الأكل و الحاجات الجديدة مش حلوة بس بعد الأكلة دي أكيد هيغيروا رأيهم , الفلافل جوة التاكو المكسيكية و عليها البهارات الكورية

 

 

 

: الفلافل المدخنة

لو جربتها في العيش الشامي مع البصل و عليها البابريكا اللي بيحلي طعم اي حاجة , أكلة صحية و سريعة و سهلة جدا

 

كل دول طرق جديدة و سهلة للفلافل اللي كلنا بنحبها و بالرغم من ان الناس في الشرق الأوسط مش متفقين على أصلها بس هيفضل طعمها المصري مميز و مختلف عشان هتفضل على طول تحسسنا بالدفا ولمة العيلة لما نأكلها و هتفكرنا بكل فطار كان مع اهلنا و الناس اللي بنحبها.
مهما كنت في اي مكان في العالم عمرك ما هتحس بطعمها و حلاوتها غير بس في مصر.