الوجه الآخر للمصيف

الوجه الآخر للمصيف

الوجه الآخر للمصيف

تخطيط طلعة مصيف يعني نشوف بعربية مين، أو هنطلع شاليه مين، وبنروح هناك نفكر هنعمل ايه، وبترسى في الآخر على إننا بنفعل ما نفعله كل طلعة يا بينكي

تيم بس في مصر كله قعد يفكر ويفتكر أحلى لحظاته في المصيف، في خليط بين النوستالجيا والحزن، علشان نجيبلكم أفضل حاجات تتعمل في المصيف، غير اللي  كل الناس بتعملها، عشان تعرف تعيش إكسبيرينس  المكان كاملة

 

جوود فايبز وبنطلونات علاء الدين

لو طلعة دهب يبقى أنت عايز تتشيل على الشط أو في الكامب طول اليوم… بس لا تجعل التشيلينج يلهيك عن طلعة لوادي الوشواش وتمشية وسط الجبال والمياه، أو إنك تروح تغطس في البلو هول وتتفرج على السمك والشعب المرجانية. والحاجات ديه هتخليك عايز تعيش في دهب بجد

للبارتي أنيمالز فقط 

 والإنفلوونسرز  beach bodiesالساحل بتاع ال

EDM وحفلة مغني أجنبي سمعتله 3 أغاني قبل كده… بس اللي مش كتير بيروحوها هي حفلات
اللي بتتعمل تقريباُ كل يوم في أكتر من مكان، وتروح تقضيها رقص
للصبح. أما لو بتحب الهدوء ممكن تفضل سهران طول الليل بتتفرج على النجوم أو تتمشى على البحر وأنت بتسمع مزيكا وهتبقى متكيف ناو

الجونة

صحيح ممكن تقابل حد من آل ساويرس هناك، وتتكعبل في ممثلين طول الوقت، وممكن تقابل واحدة وتتصاحبوا في أتوبيس سايقه أبو زي أحمد مالك في 3 دقات، بس يعني ديه حاجات مش مضمونة. لو رايح الجونة حاول تنزل الصبح تاكل في مطعم بيبص على البحر، تتمشى في المارينا تقرأ أسامي اليخوت الغريبة، تتعرف على مجتمع الجوونيز اللي هناك وتكتسب خبرات، مش متأكدين إنك محتاجها

المهم في أي مكان تروحه حاول تستغله بالطريقة القصوى، وماتحصرش نفسك في الحاجات اللي صحابك عايزين يعملوها، علشان غالباً عملتوا نفس الحاجة قبل كده خمسين مرة. حاول كل مصيف تجرب حاجة جديدة، تعرف ناس جديدة، وترجع بذكريات جديدة، وأجمل