دليل بس في مصر للتعامل مع الشغل بعد الاجازة

دليل بس في مصر للتعامل مع الشغل بعد الاجازة

اجازة الويك اند الاسبوع دا معاها يوم الاحد اجازة  بمناسبة 6 اكتوبر و هيكون طبيعي جداً لما يكون يوم الاتنين ليك اول يوم شغل بعد فتره الاجازة اللطيفة دي و انت بتصحى الصبح تفكر تقدم استقالتك و تسيب الشغل و تقعد في البيت … بس اعقل كده و روح الشغل عشان دي الحالة النفسية العامة اللي حتحس بيها في اى مكان و اي وظيفة تشتغلها.
خلي يوم الاتنين يعدي بالطول أو بالعرض، ومتقلبش وشك كل يوم عالصبح وشوف دليل بس في مصر

للتعامل مع الشغل بعد الاجازة!

1- واجه الحقيقة
النهاردة اول يوم شغل بلاش تفضل تقول انك كويس و الدنيا زي الفل، انتا متضايق عادي عشان رجعت الشغل اقنع نفسك انك شويه و حتدخل في مود الشغل و ترجع لطبيعتك و تبدأ تشتغل عادى

2- ظبط نفسك على الصبح

اول ما توصل الشغل ظبط فطارك و مشروبك اللي بتشربه على الصبح ( قهوة، شاي، نسكافيه…) و حاول تفطر في مكان رايق و بمزاج

3- خليك خفيف خفيف
اول يوم شغل بعد الاجازة اشتغل على خفيف، بلاش تحط مواعيد كتير و حاجات مليانه و كفايه تفتكر كنت بتعمل ايه و ايه اللي وراك في الشغل

4- حاول تفصل

دور على حاجة fun تعملها في اول يوم، عشان تهون عليك اليوم زي مثلاً ممكن تسمع اغاني تضبط مودك أو ممكن تسمعها و انتي بتشتغل

ما تنساش تبدأ تخطط هتعمل ايه في نهايه الويك اند الجاي، عشان يكون ده الحافز و الدافع اللي يساعدك تخلص شغلك في وقته و تستعد للبلان الجديدة