ليه إسعاد يونس صاحبة السعادة فعلًا؟
،في الكام سنة الأخيرة، إسعاد يونس اتحولت من فنانة لأكتر شخصية محبوبة واللي الناس كلها بتستني البرنامج بتاعها
من الأسبوع للأسبوع ،و كل واحد بيحب اسعاد يونس بيحبها عشان سبب خاص بيه،اللي بيحبها عشان هي دمها خفيف
،اللي بيحبها عشان بتفكره بأعمال اتربي عليها،اللي بيحبها عشان تلقائيتها و اللي بيحبها عشان هي تتحب
بس ايا كان السبب اللي بنحب اسعاد يونس عشانه مانقدرش ننكر انها هي وبلا منازع صاحبة السعادة،بس يا تري ليه؟
:عشان هي فنانة شاملة
،اسعاد يونس ماسبتش حاجة في الفن ماعملتهاش
مثلت افلام مهمة زي أمهات في المنفي،المتسول،يارب ولد،عمارة يعقوبيان،الأفوكاتو،حسن بيه الغلبان
و مسرحيات زي الدخول بالملابس الرسمية و جحا يحكم المدينة
.و مسلسلات كان من اهمها بكيزة و زغلول،حكاية ميزو و السقوط في بئر سبع
،انتجت افلام مهمة للسينما المصرية من خلال الشركة العربية للأنتاج و التوزيع السينيمائي، عملت كمذيعة بأذاعة الشرق الأوسط
كتبت فيلم المجنونة لمحمود عبدالعزيز بالأضافة لكتابتها مسلسلها الأشهر بكيزة و زغلول و مقالات في صحف مختلفة
“و مؤخرا اصدرت كتاب يحمل اسم “زي مابقولك كده
:عشان هي ذكية
عرفت تفضل نجمة متألقة من بداية ظهورها في فترة السبعينات و تألقها في مسلسل مهم زي “حكاية ميزو” مع سمير غانم
ولحد دلوقتي في سنة ٢٠٢٠ من خلال برنامجها الأكثر مشاهدة “صاحبة السعادة” واللي مشاهداته بالملايين
:عشان هي انتجت افلام مهمة في تاريخ السينما
،رسائل البحر للعبقري داود عبدالسيد ، سهر الليالي واللي يعتبر من اهم افلام السينما السينما المصرية الحديثة
واحد من الناس واللي من خلاله قدمت اسعاد يونس كريم عبدالعزيز بشكل ولون جديد تماما، أوقات فراغ
واللي بيه اسعاد يونس قدمت عمل كله من الوجوه الجديدة بشكل جرئ و مختلف عن اي فيلم تاني، لا تراجع ولا استسلام
واللي الكتير بيعتبره من افضل الأفلام الكوميدية في السنين اللي فاتت ، زهايمر و اللي يعتبر من افضل افلام عادل امام في السنين الأخيرة
.و افلام تانية كتير
:عشان هي زغلول
اتعرض مسلسل “بكيزة وزغلول” في شهر رمضان، سنة 1987، و يعتبر واحد من أشهر مسلسلات الكوميديا في الوقت ده
،واللي الناس لسه بتحبه و بتشوفه رغم ان مر علي عرضه الأول اكتر من ٣٠ سنة، وكان بيحكي حكاية “بكيزة” الشخصية الأرستقراطية المرفهة
،اللي بتتفاجئ بعد وفاة زوجها الثري “العشماوي” انه كان له بنت اسمها “زغلول” جاية تعيش معاها و تشاركها الورث
.بتضطر بكيزة تعيش مع زغلول وسط ظروف معيشية صعبة في إطار كوميدي
،اسعاد يونس حالة فنية نادرة ،حققت اسطورة صعب تتكرر و ده يرجع للنجاح اللي حققته في كل مجال فني دخلته
عرفت تثبت نفسها بقوة كممثلة كوميدية من العيار الثقيل،منتجة قدمت افلام الناس عمرها ماتنساها و توجت ابداعها الفني بالبرنامج
“اللي مشاهداته اصبحت بالملايين و ضيوفه اكبر و اهم الفنانين “صاحبة السعادة
” كل سنة و انتي سبب في اسعاد الناس يا اجمل اسعاد يونس في الدنيا و تفضلي دايما بالنسبة لكل الناس “صاحبة السعادة