عادات المصريين في رمضان ايه؟
،الأجيال بتتغير والزمن بيختلف، بس العادات عند المصريين خصوصا في رمضان مهما مر الزمن او اتغير بتفضل ثابتة
… تعالوا نفتكر العادات اللي كلنا اتعودنا نعملها في رمضان من واحنا عيال و اللي بتمثل لينا كل حاجة في رمضان
:رمضان بييجي ومعاه الباسوورد بتاعه
بجانب ارتباط الأطفال بفانوس رمضان مهما اتغير شكله الا ان الأغنية الأشهر
.و اللي تعتبر علامة مسجلة في رمضان هي :وحوي يا وحوي اياحه واللي رغم ان عدي عليها سنين كتير بس لسه ماحدش عرف يفسر طلاسم معانيها
صايم ولا زي كل سنة؟
عمرك عدي عليك رمضان سواء كنت صغير أو كبير من غير ما تسأل حد او حد يسألك السؤال ده صايم ولا زي كل سنة؟”
“و طبعا بيبقي الرد ” زي كل سنة صايم
:الملوخية الوجبة الرسمية أول يوم رمضان
و كأن الموضوع بيحصل بأتفاق مسبق بين كل ستات البيوت ،أو ان كل الأكل فجأة بيبقي وحش و الحاجة الوحيدة اللي كله بيقرر يعملها أول يوم رمضان
.هي “الملوخية و الفراخ المحمرة” و لسه ماحدش عارف السبب لغاية دلوقتي
:رمضان بيطلع الفنان اللي جواك
أول ما رمضان بيقرب،بتلاقي الشوارع بتبدأ تتزين بزينة و انوار بسيطة جدا بس في نفس الوقت مبهجة و مفرحة جدا للقلب
.الأمهات بيبدأوا يطلعوا الزينة بتاعتهم و يخرجوا الفانوس الكبير اللي بيتحط جنب باب الشقة
يعني ايه رمضان من غير ياميش؟
الياميش بأنواعه و البلح بالنسبة للمصريين في رمضان زي الهوا و المياة ، و رغم الأزمة اللي العالم كله بيمر بيها الا ان ده مش بيمنع المصريين
. من انهم يستمتعوا بالياميش اللي بيعتبروه من طقوس رمضان كل سنة
هو مسلسل عادل امام بييجي امتي؟
رمضان يعني ورقة وقلم و اكتبي المسلسلات اللي هتشوفيها يا ست الكل ، قبل رمضان بكام يوم بنبدأ نتفرج علي اعلانات كل المسلسلات
.و نقعد نقرر ايه اللي هنتابعهم منهم و طبعا كل يوم بليل نقعد نتناقش مع صحابنا عن رأينا في الحلقات كأننا نقاد سينيمائيين
:اصحي يا نايم
لحد يومنا ده و حتي بعد ما بقينا في سنة ٢٠٢٠ ،لسه المسحراتي بيعدي تحت بيوتنا و ينده علي اسامينا ،و رغم بساطة الفكرة
الا انه من الحاجات المفرحة اللياحنا كمصريين بنفرح بيها وبنحس بروح رمضان معاها
:ماكلتش رز ..ماكلتش رز
جعان أو مش جعان بتلاقي نفسك لا اراديا بتتسحر ،و السحور الأشهر عند المصريين طبق الفول بالطمامطم وعلبة الزبادي ،و بنفضل نشرب في مياة كأننا جمل طالع رحلة في قلب الصحراء الغربية
:لمة العيلة
هي العادة الأهم عند المصريين ، عزومات العيلة و التجمع في بيت العيلة ده شئ اساسي عند كل الشعب ،الناس بتستني رمضان من السنة للسنة عشان يشوفوا قرايبهم و حبايبهم اللي مش بيتجمعوا معاهم غير في رمضان من كل سنة
كلنا بندعي ان الفترة دي تعدي علي خير،عشان كل حاجة وحشانا في رمضان واتعودنا عليها نرجع نعملها من تاني،لمة العيلة،صلاة التراويح في المساجد و السحور مع صحابنا..كلها حاجات مفتقيدنها السنة دي بس بأذن الله كل ده هيرجع تاني