دليلك للساحل مع عيلتك

 دليل الساحل للشاب المصري مع عيلته

“في أوائل الثمانينات ظهرت فكرة جديدة غيرت مجري تاريخ الشعب المصري “الساحل الشمالي
قلب الدنيا بشوية نشاطات شقية اتورثت للأجيال اللي بعدها ولسه موجودة لحد النهاردة
.عشان كده جمعنالكوا هنا دليل كامل ليوم الشاب المصري الكلاسيكي في الساحل

…..

١- طريق الذهاب

غالباً العيلة بتتطلع بعربيتين، مثبتين علي سرعة 60 قارفين باقي الطريق كله
“وهاتك السكة كلها سلامات ومشاورة لبعض وبوس عبر الإزاز و“يلا إسبق أنكل مجدي يا بابا
مع إنكم متحركين مع بعض وهتوصلوا تقعدوا 3 أيام مع بعض برضه
.فملهاش لازمة خالص الأجواء دي

…..

٢- فقرة المشتريات

العيلة ديما يعشقوا البساطة في المنطقة دي بالذات 

ربع فلامنك علي نص جبنة بيضة ملح خفيف علي كرتونة بيض وكيسين فينو وسبع علب تونة

مفيش مانع من تمن حلاوة برده للأولاد بليل كده قبل ما يناموا

أساسي طبعاً ب300 جنيه تسالي تأكل القرية كلها وشكراً  إتعشت

……

٣- بحر و عيلة وحبة زيطة

البحر ما هو إلا مكان لقطع النفس وهد الحيل، بس لازم قبل أي نشاط

الأب يحط شرط انه محتاج نص ساعة يشم فيهم شوية يود من البحر وشوية هوا بمليون جنيه

بعدها بقي تركب الموجة بقي ترجعك الشط وتفضل تعيد اللعبة الشقية دي

والرملة تدخل في أسخف مناطق جسمك، تدفن أخوك الصغير في الرملة وتقف عليه

.من الأخر أي نشاط يخليك مؤهل انك تحتاج راحة تامة اليوم اللي بعده بسبب الفرهدة

…..

٤- نشاطات قبل النوم

في وقت ما الأب بيبقي عايز يشم نفسه قبل ما ينام وهو بياكل ربع الفلامنك مع البطيخة بمزاج

بيبقوا الولاد عيازين يلعبوا، فغالبا اللعب المتاحة بتبقي كوتشينة بكل أشكالها
لعبة “من غير كلام“، بنك الحظ، بصرة، شايب ونحكم علي ماما بابا
لو خسر انه يروح الشاليه اللي جنبنا يطلب منهم أي طلب شقي
.أو تلعبوا أفلام اللي دائماً خالك بينصب فيها وفريقه يكسب في الأخر

…..

٥– النوم

النوم في الساحل يعشق أوي المساحات الضيقة يعني من 30 ل 40 متر مثلا
ممكن سبع أشخاص يناموا في قوضة وحدة عادي علي سبيل المشاركة
تحت مروحة سقف لطيفة بتهددك في كل لفة انها ممكن تقع عليك في ثانية تقضي علي حياتك
ده غير صراع مين هينام جنب الحيطة عشان
.يلزق فيها زي العنكبوت من الحر اللي في القوضة