لعنة بلاي ستيشن 5

 أربع حاجات هيتغيروا في شخصيتك بعد ما  هتشتري 

PLAY STATION 5

…..

بلاي ستيشن 5 علي أبواب النزول كمان شهرين تقريباً، فعشان زي ما لازم تعرف ايه الجديد فيها، لازم كمان تعرف ازاي ممكن حتة جهاز يحولك أنت شخصياً

…..

من البيت للبيت

طبعاً أكيد إنت متوقع انك مش هتفارق البيت ثانية واحدة
ما هو مش منطقي تسيب البلاي ستيشن وتنزل
تقعد مع الشباب علي القهوة تتناقشوا في فكرة مشروع جديدة
ما هو في الآخر المشروع ده هدفه ايه مش إنك تشتري حاجات
تزود رفاهية معاليك؟ طب ما أدي الرفاهية قدامك أهي ومستنياك

…..

إتكلم بأسلوب أفضل من ده

فعلاً؟ أه طبعاً، ليه حد يكلمك بعنجهة وأنت عندك بلاي ستيشن 5؟
عنده ايه هو؟ حتي لو كان عنده أجدد بلاي ستيشن 4
برضو ده ميدلوش الحق ولا يهيئله انه يتجادل معاك حتي
 الكلام ده بقي ينطبق علي أي مناقشة تخش فيها مع أي شخص
 يعني مثلا لو بتتكلموا في مناقشة سياسية
والدنيا سخنت وحسيت انك بدأت تتزنق
 مفيش مانع تحشر إن عندك بلاي ستيشن 5 ككرت ترهيب
. إفتكر دايما تاجر المخدرات اللي بيستغل حصانة مجلس الشعب في الأفلام

…..

الشعور بالمسئولية

هتحس فجأة إنك مسئول عن حد، مطلوب منك تصرف عليه وتستته
ولو أهملته شوية وارد جداً يقولك ما أنت لو كنت مهتم كنت عرفت لوحدك
…بس مش زي اللي بالك فيه ده حتت جهاز برضه في الأخر

…..

غالباً دي هتبقي أول مرة ليك تعمل بنصيحة الأستاذ بيومي فؤاد
لما قال وفر لنفسك يا أخي، هتلاقي نفسك تلقائياً
بتوفر في حاجات كثيرة جدا لمصلحة البلاي ستيشن
يعني ممكن عادي جدا تلاقي نفسك بتشتري لبسك
من أي كشك ملابس أي قطعة بخمسة وستين جنيه وعليه
إتنين هدية بعد ما كانت

zARA رجلك رايحة جاية علي
بتجيب قلبظ بجنيه بعد ما كان إستحالة تحط في بقك حاجة أقل
..Pringlesمن

..وقيس علي ده تضحيات كتيرة هتقدمها