ليه الدايت بلا هدف؟

بقالك كتير عايز تعمل دايت، ودايما بتقول هبدأ من يوم السبت
“مش عارف ليه دايما بيبقى يوم السبت”
وييجي يوم السبت تقول هبدأ السبت اللي بعده
..بس أخيرا وبعد طول إنتظار بدأت الدايت فعلا

أسبوع بيعدي والتاني, وحاسس إنك مش بتخس؟
بقيت حاسس إنه دايت بلا هدف وطبعا
رجعت تاني تفكر في صينية المكرونة بالبشاميل والمحشي
قبل ما تعمل كده هنقولك على شوية حاجات غلط
..ممكن تكون بتعملها في نظامك الغذائي الجديد

…..

١-مش لازم أفطر

ناس كتير في الدايت بتتجاهل وجبة الفطار
بيبقى عندهم إعتقاد ان الفطار بيفتح النفس
فا بلاش منه،بس الحقيقة الفطار أهم وجبة  في اليوم فتمنع عنك الجوع وبتديك طاقة
.تكمل يومك

٢-لا ده أنا أوزن نفسي تاني بقي   

في ناس عندهم مرض قياس الوزن
كل ساعة يدخلوا يقيسوا وزنهم وطبعا
ده بيسبب إحباط في أوقات كتير
بننصح الناس دي بقياس الوزن
.مرة أو اتنين في الأسبوع

٣-المياه هتملي بطني علي الفاضي   

أهم عنصر في أي دايت هو المياة
اللي بتساعد جدا على فقد الدهون وتحويلها لطاقة, في الدايت إنت
محتاج تشرب على الأقل ٨ كوبايات
.مياه في اليوم

٤-دايت يعني أجوع نفسي

الدايت مش معناه إني أجوع نفسي ولا  أحرمها من كل حاجه في الحياه
لما بتعمل كده جسمك بيبدأ يضعف
  هتبدأ تحس بتوتر، كسل وعصبية
الإعتدال في النظام الغذائي هو المفتاح

.عشان تخس من غير ما تضعف جسمك

٥-ده طير السوداني والكاجو كله من قدامي

ناس كتير بتركز في محتويات الوجبات الرئيسية ومش بياخدوا بالهم
إن اللي بيبوظ الدايت هو الرمرمة
اللي بتحصل في خلال اليوم
بسكوت في الشغل، إيس كريم قدام التلفزيون
..شيبسي وقت الشوبينج
.وجبات حجمها صغير بس سعراتها الحرارية كبيرة

٦-دي دايت يا عم

مش عشان المشروبات الغازية مكتوب عليها دايت معناها إنها خالية
من السعرات الحرارية ومش عشان
الكيكة دي مكتوب عليها خالية من الدهون يبقى ناكل الكيكة كلها
.كل حاجة كويسة لو بالمعقول

٧-إتعشينا؟…ننام بقي

بلاش تاكل وتنام، إدي مساحة لجهازك الهضمي ساعة أو ساعتين بعد آخر وجبة النوم المباشر بعد الطعام من أكبر أسباب فشل الدايت

٨-رياضة ودايت..دايت ورياضة   

الدايت دايما محتاج معاه شوية رياضة
حتى لو هتمشي ساعة في اليوم
أي رياضة هتمارسها مهما كانت بسيطة
هتساعد جسمك على حرق سعرات حرارية أكتر وتخليك تظبط جسمك
. في وقت أسرع

٩-ماسكلي في نغمة الحرمان

الدايت مش حرمان، لو في أكل معين بنحبه
ومش قادرين نتخلى عنه ممكن ناكله
من وقت للتاني وبكميات صغيرة
خبراء كتير بينصحوا بدمج الأكل الشهي
في الدايت عشان يساعدوا على نجاحه
ودايما نفتكر إن كل حاجة بنحبها
..ليها بديل بدهون وسكر أقل

…دايت موفق وناجح للجميع