أماكن مش معروفة لازم تزورها

٥ أماكن مش معروفة لازم تزورها

…..

مصر مليانة جمال مابينتيهيش، أماكن خلابة ملهاش أخر
وكل ما بندور أكتر كل ما بنكتشف أماكن أجمل وأجمل
أماكن تحسها خيالية من كتر جمالها
في المقال ده هنكتشف معاكم
…٥ أماكن مش معروفة في مصر لازم تتراح

…..

١-البحيرة المسحورة

لو بتحب السحر والجمال اللي ياخد العقل
يبقي لازم تروح البحيرة المسحورة في رأس محمد, مساحتها حوالي ٤٨٠ كيلو متر مربع
لو قعدت قدام البحيرة نهار كامل
هتكتشف إن لون المياة بيتغير ٧ مرات في اليوم الواحد, ده غير إن الأسطورة بتقول إن مياه البحيرة بتشفي أمراض
. العظام والروماتيزم

من أساطير البدو هناك إنك لو رميت حجارة
في المياة ودعيت ربنا بأي حاجة نفسك فيها
البحيرة بتحقق الأمنيات، ومن الحاجات الجميلة إن مسموح بالتخييم هناك
 لمدة يوم واحد تستمتع بالمناظر الطبيعية
والغطس وهتدفع حوالي ١٠٠ جنية رسم دخول

…..

٢-الوادي الملون

يعتبر من عجائب الطبيعة في سينا
متاهة من الصخور الرملية اللي هتبقي
مبهور من ألوانها وجمالها واللي إتكونت من الأمطار والسيول
مكان ممتع لعشاق المغامرات وكل اللي بيحب التسلق
أجمل وقت تزور فيه الوادي هو وقت الفجر
.عشان تستمتع بكل تفاصيل الألوان

الوادي الملون موجود علي بعد ٩٠ كيلو من شمال دهب
بس بلاش تروح من غير مرشد سياحي
.بدل ما تفضل تايه في الوادي عمرك كله

…..

٣-وادي الوشواشي

على بعد ٤ كيلو بس من مدينة نويبع
هتلاقي وادي متكون من جبال الفيروز
موجود فيها ٣ عيون أشهرها البحيرة الخضراء
واللي المياة فيها دافية بفعل حجر الجرانيت واللي إتكونت من أمطار السيول
 على مر السنين
هتستمتع بيوم كامل من تسلق الوادي والسباحة

الوادي يعتبر مكان مناسب جدا
.لو نفسك تعمل رحلة سفاري مختلفة

…..

٤-كهف وادي سنور

عارف إن أقدم كهف في العالم موجود في مدينة بني سويف؟
تم إكتشاف الكهف ده بالصدفة سنة ١٩٩٢
لما كان عمال المحاجر بينقبوا عن الرخام
وفي وقت تفجيرات البحث إكتشفوا كهف وادي سنور
قدر العلماء أن عمر الكهف حوالي 

٤٠ مليون سنة

الكهف بيمتد لحوالي ٧٠٠ متر في باطن الأرض
وعمقه ١٥ متر، وبيحتوي علي أغلى أنواع الألباستر في العالم
.واللي تكوينه يشبه الشعب المرجانية

…..

٥-عين السرو

عايز تشوف سحر حقيقي؟
.روح عين السرو، بس المرة دي إنت الساحر

عين السرو موجودة في محمية الصحراء البيضاء
شمال واحة الفرافرة، بمجرد ما بتقرب من العين
بتبدأ الأرض بملي العين بمياة عذبة، تشرب منها وتعوم فيها
وأول ما بتبعد عنها بترجع المياة تنخفض
.وتصبح العين فاضية من أي مياه

دي حقيقة مش خيال وتقدر تروح لعين السرو وتجرب بنفسك
بالمناسبة هي العين الوحيدة في العالم
.اللي فيها الخاصية المبهرة دي