دليلك المفيد لمشروعك الجديد

دليلك المفيد لمشروعك الجديد

كلنا بنفكر في المشاريع، كام مرة صحينا من النوم
واحنا بنقول إننا خلاص هنسيب الوظيفة ونستقيل
ونبدأ مشروع ونكبره ونبقي رجال أعمال
كام مرة كنا قاعدين علي القهوة وقعدنا
فكرنا مع صحابنا في فكرة مشروع وقعدنا نتخيل
نفسنا عندنا طيارة خاصة قاعدين فيها نتابع أخبار البورصة
فكرة انك تعمل مشروع فكرة عظيمة، بس قبل ما أي حاجة
.خلينا نقولك علي شوية خطوات تبقي دليلك المفيد للمشروع الجديد

…..

١-البحث

عشان مشروعك ينجح, محتاج قبل أي حاجة تعرف ايه المشاريع اللي السوق
 محتاج ليها, دور عن مشاريع إتعملت
 قبل كده شبه مشروعك وإعرف نجحوا
إزاي، إعرف ازاي هتقدر تنافس اللي سابقك
 في نفس المجال وتفادي الغلطات
.اللي إتعملت من اللي قبلك

٢-الخطة

أي مشروع في الدنيا حتى لو صغير محتاج خطة تعرف إزاي تطور مشروعك, حط لنفسك
  جدول زمني وأهداف تمشي
 عليها عشان بعد كل فترة
تقدر تقيم نفسك وتشوف
.إنت حققت ايه من خطتك

٣-الميزانية

ميزانية المشروع هي البنزين

اللي هيخلي المشروع يقوم
في بدايته، لازم تحسب ميزانيتك كويس في بداية مشروعك
تحدد مصاريف التسويق
ومصاريف المواد ورواتب الموظفين

.لازم تعرف راس مالك قد ايه وهتعمل به ايه

٤-آلية العمل

آلية العمل هي التفاصيل اللي محتاج تكون دارسها كويس في بداية
المشروع، زي إنك تحدد إذا كنت
 هتقدر تمول مشروعك لوحدك ولا محتاج معاك شريك تحدد إذا كانت
خبرتك لوحدها كفاية ولا محتاج معاك
أشخاص عندهم خبرة يساعدوك
.كل دي حاجات لازم تكون عارفها كويس من الأول

٥-إسم المشروع

ناس كتير مش بتهتم بالنقطة دي
بالنسبالهم إسم المشروع مش حاجة مهمة وهي في الحقيقة من أهم النقط
لنجاح المشروع, لازم تختار إسم يفضل
 في ذهن العملاء وطبعا ماننساش إن
. الإسم يكون حصري وخاص بيك لوحدك

٦-التوثيق

عايز مشروعك ينجح؟

يبقى خلي خطواتك كلها رسمية توثيق المشروع بيحمي عملك وعلامتك التجارية وطبعا عشان
   مايكونش في أي مشاكل قانونية عليك

٧-فريق العمل

لو مشروعك محتاج توافر فريق عمل يبقى لازم تفكر في المهارات
 اللي بتدور عليها في فريقك
ايه هي مسئوليتهم وايه خبرتهم في سوق العمل وطبعا لازم يكون
. معاك محاسب شاطر في الفريق ده

٨- التسويق

التسويق لمشروعك خطوة أساسية للنجاح والإنتشار
الهدف منها نشر إسم مشروعك عشان تبدأ الناس تعرفه, وطبعا قبل ما تبدأ
 في خطة التسويق محتاج تعرف كويس
مين العملاء بتوعك، ناس كتير بتلجأ لشخص
خبير في السوق المحلي عشان يساعدك
.في التسويق لمشروعك

٩-الصبر

خلي عندك صبر ويقين إنك هتنجح
خلي عندك أمل إنك هتقدر توصل لحلمك, ناس كتير بتيجي في
نص الطريق تزهق وتفقد الأمل في النجاح, خلي دايما حلمك
 مالوش حدود وهتوصل مهما الناس
.حاولت تحبطك وتقلل من اللي بتعمله