رايجْرِى” دليل رحلتك للنوبة”
رايجْرِى
“دليل رحلتك للنوبة”
في الكام سنة اللي فاتوا، شهرة النوبة كواجهة سياحية
بقت في أهمية السفر لأسوان والأقصر
ده كمان بقي في مسافرين من جوه وبره مصر
.بتبقي رحلتهم الشتوية للنوبة وبس
كلمة نوبة مشتقة من كلمة “نوب” واللي معناها الدهب
وحقيقة الدهب اللي هتلاقيه هو الناس والفرحة
اللي هتعيشها هناك فيه, في الأرتيكل ده هنقولك
…لو هتسافر الشتا ده للنوبة تعمل ايه وتروح فين
١-متعة الطريق
لو ماكنتش سافرت بقطر النوم قبل كده
هتعيش تجربة ممتعة سواء كنت مسافر لوحدك أو مع ناس تخيل وانت صاحي الفجر في أيدك الشاي وبتتفرج من شباك القطر على أراضي الصعيد لحد ماتوصل لوجهتك
٢-السحر في البساطة
أول ما رجلك تخطي أول خطوة في النوبة
هتحس بسلام نفسي عمرك ما حسيته قبل كده بننصحك تقضي رحلتك في بيت من البيوت النوبية اللي في غرم سهيل وأبعد عن الفنادق الغالية عشان تعيش التجربة الكاملة هناك
٣-تجار السعادة
لما تنزل تتمشى في النوبة هيبقي صعب جدا انك تمسك نفسك وماتشتريش حاجة من أول المصنوعات اليدوية مرورا بالكركدية ولحد السودانيالأسواني
مستحيل تقدر تقاوم الجمال ده كله
٤-بتميل يا بحر النيل
من أجمل الحاجات اللي هتعملها في رحلتك للنوبة هو الرحلة النيلية، تخيل كده وانت قاعد في المركب الشراعي، وشمس الشتا الدافية حواليك والمراكبي مشغل منير وهو بيغني شمندورة
٥-صور للعمر كله
جهز كاميرتك أو فضي مساحة كبيرة على تليفونك عشان إنت هتبقى قاعد بتصور طول الوقت هتتصور مع البيوت النوبية اللي الوانها هتسحرك هتتصور في معبد فيلة وطبعا هتتصور مع التماسيح
.واللي بيربوها هناك زي الكلاب والقطط
٦-بالهنا والشفا
الأكل في النوبة ليه طعم تاني، جرب
الويكا النوبي وهي لسه طالعة من النار يمكن أكلهم يشبه الأكل اللي بناكله كل يوم بس نفسهم في الأكل مالوش زي ولا مثيل، وما تنساش تروح تاكل في مطعم الدوكة اللي في وسط النيل