2020 vs اللي قادرة على التحدي والمواجهة
0 comments
2020 vs القادرة على التحدي والمواجهة
مفيش شك إن ٢٠٢٠ هي سنة مليانة تحديات وصعوبات واجهت الكل
و يمكن أهم إنجاز ممكن يحققه الإنسان السنة دي إنه يخرج منها
سليم جسدياً و نفسياً, لكن كالعادة في نماذج نسائية كتير
قدرت إنها تحقق إنجازات في كل المجالات خصوصاً ستات مصر الجدعان
.معندهمش مستحيل دايسين في أي حاجة و كل حاجة
مثلاً في الرياضة عندنا ميار الشريف
“فتاة مصر الذهبية”
المصنفة عالمياً ١٦٤ فازت على اللاعبة البولندية كاتارزينا كاوا المصنفة عالمياً ١٣٠ وبكدة أصبحت ميار أول لاعبة تنس مصرية
تفوز ببطولة تشارلستون الدولية للتنس
أما بقى بالنسبة لنوفمبر ٢٠٢٠ كان بالنسبة
لنور الشربيني سويت نوفمبر
خصوصاً بعدما إستعادت صدارة التصنيف
العالمي للاسكواش للسيدات بعد تتويجها ببطولة مصر الدولية
للاسكواش في أكتوبر ٢٠٢٠، ومننساش إن التصنيف بيضم ٤ لاعبات مصريات غير نور في التوب ١٠ وهما نوران جوهر و نور الطيب وهانيا الحمامي وسلمى هاني
فريدة عثمان حبت تسيب بصمتها في 
2020
ورجعت بقوة بعد مشاركتها في بطولة أمريكا المفتوحة للسباحة وفازت بالميدالية الذهبية
في سباق 50 متر حرة بزمن 25.10
وفازت بميدالية فضية في سباق 100 متر
فراشة بزمن 58.39
وفي السينما والفن الست المصرية كانت بتعمل عظمة سواء كانت جوة الحكاية أو اللي خليتنا نتفرج عليها و نقولها
“عاش يا كابتن بالمناسبة “عاش يا كابتن
دا عنوان فيلم وثائقي إخراج مي زايد واللي تم إختياره عشان يمثل مصر في المسابقة الدولية في مهرجان القاهرة السينمائي الدولي في دورته ال42
ودا يعتبر التمثيل التاني لفيلم وثائقي مصري بعد
مشاركة فيلم “احكيلي” للمخرجة ماريان خوري
الفيلم بيحكي عن حلم “زبيبة” اللي نفسها تكون بطلة العالم
.في رفع الأثقال زي نهلة رمضان رائدة اللعبة و بنت المدرب بتاعها
“كمان المخرجة المصرية “حياة الجويلي” قدمتلنا فيلم”ربما في المرة القادمة
واللي فاز بجائزة الجمهور في مهرجان طرابلس السينمائي الدولي, الفيلم بيحكي عن ممثلة أرجنتينية شابة إترشحت لجائزة في نيويورك ولكن إكتشفت أن فيلمها ممكن يسافر لكن
هي متقدرش و دا بيجسد معاناة أغلب الفنانين مع السفر للمهرجانات
والممثلة المصرية نسمة نور الدين وصلت لنهائيات مسابقة أفضل ممثلة في مهرجان جوائز الفيلم السويدي بفيلمها القصير
روح أليفة و اللي بيحكي عن تأثير انتشار فيروس كورونا على الحيوانات الأليفة
والفيلم مرشح لجائزة أفضل فيلم
.في المهرجان
مش بس الأفلام بتحكي الحكايات ساعات الحكايات بتتحكي بصورة و المرة دي اللي حكت الحكاية بصورها هي إيمان عرب وهي مصورة شارع والمصرية الوحيدة اللي فازت بجائزة
world wide photo walk 2020
للتصوير، إيمان بالرغم من إنها زوجة وأم لطفلين متعطلتش عن حلمها بإنها تلف شوارع مصر وحكي حكايتها بصورها
الست المصرية مسابتش مجال إلا ودخلته وحققت فيه نجاح
“حتى تصليح التليفونات عندنا “ميرا شهير
أول بنت في الصعيد تشتغل في مهنة
صيانة التليفونات المحمولة
وعشان من ضمن جينات الست المصرية إنها مدبرة وبتعيد إستخدام الحاجات لاقينا