هي إسكندرية دي ساحرة بجد زي ما أهلها بيقولوا ولا الموضوع فيه مبالغة؟
هي إسكندرية فعلا ملهاش زي وأهلها بيعتبروها كيان مستقل ولا دي اشاعه؟
ما هو برضو فيروز بذات نفسها مش هتعمل أغنية لأي مكان كده وخلاص يعني.. في الأرتيكل دي هنحاول نستعرض معاكم شوية حاجات إسكندرانية
.تخليها مش شبه أي مكان تاني في العالم، مش بس في مصر
…..
بلد أهل الفن
في جملة مشهورة جدا بتقول إن مفيش إسكندراني مش فنان مفيش حد بيبقى
من هنا ومش بيبقي عنده حس فني ولو بسيط ونذكر من الفنانين السكندرين بعض الأسامي العظيمة
زي يوسف شاهين، عمر الشريف، محمود عبد العزيز، عادل أدهم
أنغام، سيد درويش، إبراهيم عبد المجيد، هند رستم وبيرم التونسي
آلة زمن طبيعية
إسكندرية عاملة زي آلة الزمن، تخيل نفسك بتتمشى وتعدي علي المسرح الروماني
بعدها تلاقي نفسك جوه قلعة قايتباي
شوية كمان وتلاقي نفسك في شارع فؤاد اللي يعتبر من أقدم شوارع العالم
عندك كمان سينمات وسط البلد اللي عمرها قد عمر تاريخ السينما نفسه
ده غير قصر المنتزه وشاطئ المعمورة، عمود السواري والماكس
وكوم الدكة، إسكندرية عدي عليها عصور بعمر التاريخ
.ومعالمها شاهد لليوم علي التاريخ ده
بلد ال٨ مليون كتاب
تخيل تبقي عايش في بلد فيها مكتبة الإسكندرية
واللي فيها اكتر من ٨ مليون كتاب، لا واللي بناها يبقى الإسكندر الأكبر شخصيا!، مكان مناسب جدا للباحثين، الطلبة، الروائيين الباحثين عن الإلهام
.ومحبي التاريخ عموما
بلد الأكيلة
لو بتدور على مكان تروحه عشان تزيدلك كام كيلو فا عليك وعلى إسكندرية في اللينك ده هتلاقي أرتيكل عن أماكن إسكندرانية تروح تاكل فيها
عايز تتبسط أوي وما تدفعش ولا جنية؟
روح أتمشى على كوبري ستانلي
شم الهوا اللي مليان يود وأتفرج علي جمال البحر وموجه وماتنساش سماعتك اللي هتبقي بتسمع فيهم منير وهو بيغني يا إسكندرية بحرك عجايب
من الأبرة للصاروخ
من الشوارع المهمة في إسكندرية شارع زنقة الستات واللي بيضم عدد مالوش حصر من المحلات واللي بتبيع فعلياََ كل حاجة ممكن تخطر على بالك من أول القماش والهدوم والعفش لحد الدهب والفضة والأحجار الكريمة
…..
الأرتيكل ده ما يجيش ١٪ من عظمة إسكندرية
خلاصة الموضوع بقي أن أهمية إسكندرية التاريخية والسياحية
ماتتقرنش بأهميتها المعنوية والعاطفية في قلب كل واحد بيحب البلد دي
واللي لو سألت ناس كتير عن سر حبهم ليها هتلاقي ألف رد ورد
ََلأن ببساطة كل واحد بيحبها لسبب مرتبط بيه وبيحبها حب خاص جدا
…بالطريقة اللي هو شايف إسكندرية تستاهلها
آلة زمن طبيعية
بلد ال٨ مليون كتاب
بلد الأكيلة
سعادة ببلاش
من الأبرة للصاروخ