رنا القليوبي ملكة الذكاء الإصطناعي
0 comments
الذكاء الإصطناعي Vs رنا القليوبي
…..
عمرك سألت نفسك ايه اللي ممكن يحصل لو في آلات بدأت تفهمك
من نظرة عينك وتفهم إنت بتحس بإيه من غير ما تتكلم
رنا القليوبي كانت بتسأل نفس السؤال دا, وبسبب كدة
عملت بحث بيتعمق أكتر في كيفية فهم العلامات والإيماءات البسيطة
اللي بنعملها في أيامنا العادية اللي بتعبر عن حالاتنا النفسية
بس إحنا كبشر ممكن منبقاش واخدين بالنا منها
هي بتؤمن إن فهم الآلات لمشاعر الشخص اللي قدامها بيؤدي
لإنقاذ وتحسين حياة الشخص دا, و عشان كدة تعمقت في بحثها
لحد ما وصلت لفكرة إن إزاى الآلات ممكن تفهم مشاعر الناس
من مجرد تعبيرات الوش و من هنا بدأت تأسيس شركة أفيكتيفا
وهى شركة تكنولوجية عالمية أطلقت من مصر
.”تعالوا نعرف أكثر مين هي رنا القليوبي و إيه هى “أفيكتيفا
…..
رنا هى سيدة مصرية أمريكية, ممكن نصنفها مخترعة أو مهندسة أو رائدة أعمال
أو كل دول, حاصلة على البكالوريوس والماجستير في علوم الكمبيوتر من الجامعة الأمريكية بالقاهرة وعلى الدكتوراه من جامعة كامبريدج في إنجلترا
من هنا بدأت رحلتها من القاهرة لبوسطن و هناك حصلت على وظيفة بحثية
في معهد ماساتشوستس للتكنولوجيا, والحقيقة رنا كان هدفها واضح وصريح
إن البشر يتحكموا في التكنولوجيا ويكسبوها مشاعر إنسانية”
“قبل ما التكنولوجيا تتحكم في البشر و تحولهم لمجرد ألات
ودا كان الدافع إنها تقبل الوظيفة في المعهد وتكمل البحث بتاعها
وبالفعل نجح البحث وحصل على إهتمام كبير من المعهد
وبدأوا يطبقوا نظريتها على مجموعة متنوعة من المجالات زي
.بحوث الصحة النفسية و التوحد
…..
“وفي سنة 2009 أصبح البحث بداية تأسيس شركة “أفيكتيفا
هى شركة بتعتمد على التكنولوجيا الجديدة اللي متخصصة
في التعرف على مشاعر الأشخاص من خلال كاميرا الفيديو
لتحليل انطباعات و تعبيرات الوش, وهى أول شركة في مجال
الذكاء الإصطناعي العاطفي, وعشان كدة في 2016 ضمت 32 شركة
من بين قائمة شركات “فورتشن 100” الأكبر في العالم
وضمت شركات في أكثر من 75 دولة مُختلفة حول العالم
وكمان طورت تقنياتها ودخلت في مجالات مُختلفة زي
الدعاية والإعلان والألعاب الإلكترونية, وحاليا مركزين أكثر في مجال
.السيارات اللي فيها يقدروا يفهموا شعور السائق والركاب
…..