أغرب الصحاري المصرية

الصحراء البيضاء والصحراء السوداء .. الكوكتيل المصري
اللي مش موجود في أي مكان في العالم
لو ماسمعتش عنهم قبل كده تعالى أعرف إيه الصحاري دي ومكانها فين وإيه أهم المعالم الموجودة فيها, وشوف كم السحر اللي ممكن تكوّنه الطبيعة المصرية

….

 

الصحراء البيضاء

الصحراء البيضاء تقع على بعد 45 كيلومتر شمال واحة الفرافرة بمحافظة الوادي الجديد, وتبلغ مساحتها 3010 كيلومتر مربع وتم إعلانها  محمية طبيعية عام 2002

سبب التسمية واضح وده لإن بيكسوها اللون الابيض في أغلب مساحتها, وده شيء على قد ما هو غريب على قد ما بيدل على أهمية المكان ده التاريخية, و ده لإن اللون الأبيض دليل على تغيرات مناخية كتير حصلت على مدار ملايين السنين أدت لتكوين مظهرها المتفرد ده

الصحراء البيضاء تعتبر من أهم صحاري العالم و أجملها وتعتبر متحفاً مفتوحاً لدراسة البيئة الصحراوية والظواهر الجغرافية والحفريات والحياة البرية

 

 الدجاجة و الفطر

الصحراء البيضاء تتميز بالتكوينات الجيولوجية لصخور الأحجار الجيرية والطباشيرية ناصعة البياض, واوحدة من أهم الأمثلة على التكوينات الصخرية المميزة دي هي صخرة (الدجاجة والفطر), وده بيرجع لشكلها المتفرد اللي تكون بعوامل النحت الطبيعية

 

جبل الكريستال

يقع داخل الصحراء البيضاء ويعد من أندر الجبال في العالم, لأن به أكثر من 125 نوع من أنواع الكريستال المختلفة متجمعة في كتلة جبلية ضخمة
وهي منطقة محمية طبيعية ومنتجع سياحي فريد من نوعه, ويحتوي على جبال كاملة من خام الكريستال اللي يلمع مع أشعة الشمس كالماس

….

الصحراء السوداء

هي صحراء تقع في مصر في محافظة الوادي الجديد تبعد الصحراء السوداء قليلا عن شمال الصحراء البيضاء, وده الكوكتيل اللي كنا بنقول عليه لأن يعتبر بداية الصحراء السوداء هي الصحراء البيضاء

سبب تسميتها بالصحراء السوداء طبعا جه نسبة إلى جبالها وهضابها المغطاة بمسحوق أسود اللون واللي تكون من بقايا الإنفجارات البركانية اللي جفت على مدى ملايين السنين

على أطراف الصحراء السوداء توجد تلال بركانية سوداء ثارت منذ عصور ماضية وأخرجت مادة بركانية تسمّى الجاسبر, وهي المادة التي تتكوّن منها الصخور السوداء بسبب غناها وتنوعها البيولوجي كمنطقة أبحاث علمية عالمية أعلنت عام 2010 الصحراء السوداء كمحمية طبيعية, وذلك بعد اكتشاف ثاني أضخم هيكل لديناصور في العالم بالقرب من جبلي (الدست والمغرفة) على حدود الصحراء السوداء في منطقة

 

جبل الإنجليز

يقع جبل الإنجليز في المنطقة الفاصلة بين قرية منديشة ومدينة الباويطي

جبل الإنجليز هو الجبل الأشهر في الصحراء السوداء والمزار السياحي الأهم هناك, وده بيرجع لشهرته التاريخية بسبب إستخدام القوات الإنجليزية كنقطة تمركز لهم أثناء الحرب العالمية الأولى, وده لكونه أعلى نقطة موجودة في الصحراء السوداء بالكامل

ويتميز جبل الإنجليز بقمته السوداء لإحتوائه علي أحجار الدوليت والبازلت, كما يوجد على قمته بئر مائي روماني, وبالتسلق إلى قمته يمكن رؤية أجمل وأروع منظر لهذه الصحراء.

….

مصر مليانة أماكن متفردة مستخبية في كل جزء فيها, و أي مكان هتروحه هتلاقيه بيحكي حاجه عن عظمة البلد دي وعن سحرها اللي هنعيش عمرنا كله بنحاول نكتشفه