إزاي تخلي البنات تحبك؟

إزاي تخلي البنات تحبك؟

إزاي تخلي البنات تحبك؟

“٦ طرق متجربة ومتراجعش ورانا”

 

إزاي تخلي البنات تحبك؟ لا بجد ازاي؟ شباب كتير بيفضلوا دايماً
يسألوا السؤال ده وبرضو مفيش جواب إتفق عليه العلماء
كل جيل يقعد يفتي ويقول حلول وينتهي به المطاف سينجل حزين وحيد بائس
زي اخوكم اللي بيكتب الأرتيكل ده دلوقتي، بس حاولنا نجمعلكم
٦ حاجات متجربة واتفق عليها كل الناس تقريبا
ويا سيدي لو الزهر لعب معاك والبنات حبتك إبقي إدعيلنا دعوة حلوة
…ومفيش مانع لو دعوة فرحكم واليكم الأتي
….. 

١- شياكتك مفتاح قلبها 

البنت تحب أوي الراجل الشيك، معظم البنات بقي تسيب شخصيتك وجوهرك ومضمونك والحاجات الجميلة اللي فيك وتلاقيها تبدأ تركز مع جزمتك، حزامك ومؤخرا بقوا بيركزوا مع الشرابات يا أخي والله
…فا عليك وعلى التحويشة بتاعتك وإنزل دلع نفسك عشان تزغلل عينها
 

 ٢-خليك مبذر معاها

 البنت تحب الدلع والدلع ده لو جالها
على هيئة هدايا وفسح هتتبسط منك أوي صدقني، يمكن زمان كانت البنات تفرح اوي لما تجيبلها دبدوب أو شوية ورد سارقهم من جنينة جارك بس مع الأنفتاح والحاجات الجميلة دي خليت التوقعات تعلي في السما
بقى في دلوقتي هاتلي موبايل جديد، ساعة زي بتاعة بنت خالتي
…ولو إتجوزتها يا معلم هتقولك هاتلي عربية ياسمين صبري
 

٣-حب اللي هي بتحبه 

البنت تحب اللي يهتم بأهتمامتها مهما كانت الأهتمامات دي تافهة. باينلها أنك بتعشق تربية السحالي منذ نعومة اظافرك لو لقيتها مثلا بتربي حرباية، المهم إنها ماتكونش شخصيا حربياة، كل ما تبين إنك حابب اللي هي بتحبه كل ما اكيد هي هتحبك اكتر
  

٤-ضحكت يعني قلبها مال 

البنت تحب الراجل أبو دم خفيف
اللي يضحكها ويفرفشها ويخلي دايما ضحكتها من هنا لهنا، دايما قولها نكت ولو حسيت إنها زعلانة ضحكها، طول ما هتضحكها أكتر كل ما هتحبك اكتر
 

٥-البنت تحب اللي يسمعها 

البنات كائنات رغاية جدا ويحبوا الرغي أكتر
من أي حاجة تانية، وزي ما البنت بتدور على راجل شيك وكريم وطيب بيدوروا برضو على راجل يحب اوي قاعدة النميمة الجميلة ويكون بيركز اوي في صحباتك كانوا لابسين ايه ومين كانت لابسة حاجات مش لايقة على بعض الى اخره
 

٦قولها دايما أنها أحلى
واحدة في الدنيا…إكدب يا جدع
 

دلع البنوتة دلع، قولها دايما انها احلي واحدة
في الكون، قولها دايما انها كانت احلى واحدة
في الحفلة، كانت لابسة أحلى فستان في الفرح وكانت أحلى واحدة في أي بنت عرفتها وإنهم أصلا ماكنوش بنات
اللي كانوا قبلها دول، إكدب يا عم عشان العلاقة دي تعيش
…مفيش علاقة إتبنت على الصراحة المطلقة وعاشت
….. 
في نهاية الأرتيكل بنتمنى من كل قلبنا أن كل واحد يوصل لقلب اللي بيحبه
وحابين نقول لكل واحد أن مش بس ال٦ حاجات دول هما اللي
هيوصلوك لقلب الكراش، كل حاجة بتعملها وكل حاجة بتبين بيها
…إهتمامك بيها وبوجودها في حياتك هيخليها اكيد تحبك