عادات المصريين في أول يوم رمضان
0 comments
المصريين ليهم عادات وتقاليد خاصة جدا في كل مناسبة, و عشان رمضان مش زي أي مناسبة فالعادات المصرية كتير في الشهر الكريم
و احنا جينا النهاردة عشان نتكلم عن جزء بسيط منهم, و اللي في الحقيقة من غيرهم و من غير باقي عاداتنا ماكنش هيبقى طعم المناسبة في مصر مختلف عن أي مكان تاني
….
أول يوم سحور
طبعا بعيد عن اي تحضيرات بنعملها قبل الوصول لرمضان, من زينة و تعليق فوانيس في الشارع
و شكل الناس و هي نازلة تصلي أول صلاة تراويح و فرحتهم برجعوها
و لكن في اللحظة المفصلية بقى .. أول سحور
دي بداية المعركة .. محلات الفول و الفلافل اليوم ده بتبقى بالنسبة لينا غلبانة
و بيتم تحضير مائدة طعام تكفي الدول المجاورة, استعدادا لأول يوم صيام
كل ما تشتهي الأنفس من (بيض و فول) و أي حاجة تسد الجوع, بيبقى ناقص نغرف أسمنت أبيض
و كل واحد بتاع حوالي ستين رغيف و استعد بقى
طبعا مافيش قيام من على السحور إلا و الآذان خلاص هيأذن
وطبعا بوء المايّة الشهير اللي عمره ما خلص قبل بداية الآذان, قال يعني كده مش هنعطش
….
مكالمات اللتهنئة
طبعا صحينا الصبح و صايمين و مش لاقيين حاجة نعملها
نجيب بقى قايمة الصحاب و المعارف, اشحن كارت بخمسين وهني بقى
طبعا الصوت عالي, لازم مصر كلها تعرف إنك بتهني الناس بالشهر الكريم
و الذكريات الجميلة ترجع وتفتكروا أبام زمان بقى, اللي أنتوا أصلا ماعشتوهاش مع بعض
لإن دي أول مره تكلمه أساسا, أنت بتسلي وقتك وبتاخد ثواب بس
….
الصيام وعمايله
طبعا صيام يعني مافيش سجاير أو قهوة أو نسكافيه أو أي حاجة تفوقنا الصبح
فاحنا بننزل نتعامل بسوفت وير مختلف خالص عن باقي السنة
“و الحقيقة إن من أهم مظاهر رمضان في مصر, هو أن الشعب كله بيبقى “على أخره
و طبعا مع مرور الوقت و الإقتراب من الآذان, الموضوع بيحتد أكتر, و بيوصلنا للنقطة الجاية
….
خناقات قبل الفطار
على رأي الفنان عبباسط حمودة “الجو هادي خالص والدنيا هس هس”, و أنت قاعد رايق في بيتكم عادي أو نايم و مستني الفطار
هوب تسمع زعيق في الشارع, هوب خناقة, هوب الصيام طار قبل الفطار ببتاع 3 ثوانيغ
“و تطلع الخناقة في الأخر عشان واحد و هو معدي قال للتاني “مساء الخير” و التاني عايزه يقوله “مساء الفل
….
عزومة أول يوم
