دليلك لأفضل خمس ممثلين في رمضان
0 comments
الأعمال الفنية في رمضان, بتخلي كل ممثل يكتشف نفسه من جديد ويجدد علاقته مع الجمهور
و زي كل رمضان, على قد ما في عدد كبير من النجوم بتظهر, و عدد كبير من المواهب بتشق طريقها
بيبقى في كام ممثل بيخطفوا الأضواء ويجذبوا الكل ليهم, و ماتقدرش تخلص رمضان من غير ما تديهم حقهم بسبب إبداعهم, و إحنا النهاردة جايين عشان كده
….
يحيى الفخراني (نجيب زاهي زركش)
باشا البشوات
هو طالع في المسلسل باشا, ولكن هو دايما باشا
أيا كان الدور اللي بيلعبه, أو الحالة اللي بيجسدها هو باشا في الأداء
الراجل ده فعلا معجون تمثيل, بيمثل و هو سايب إيده حرفيا
و دايما بعد ما تخلص أي مشهد ليه, بتبقى مقتنع إن هو كده في الحقيقة زي ما في المسلسل بالظبط
….
منى زكي (لعبة نيوتن)
اللي موترة الشعب كله
(بعد غياب عن شاشة التلفزيون من 2016 و دورها المميز جدا في (أفراح القبة
تعود في (لعبة نيوتن) بدور من أقوى ما يمكن السنة دي
كم مشاعر متضاربة وصعبة كتير جدا, شخصية مُركّبه جدا, و لكن نجحت في تجسيدها بكل نجاح
منى زكي رجعت عشان تعرفنا كلنا إن هي لسه عندها كتير أوي
و فعلا نتمنى إن كل رمضان نشوف موهبتها و تبهرنا أكتر
….
كريم عبد العزيز (الإختيار 2)
الباشا مابقاش تلميذ
كريم عبد العزيز واخد من إنجح النجوم اللي جم في تاريخ مصر, وده بدون شك
الراجل نجح في إنه مايحطش نقسه في قالب واحد
راجع تاريخه هتلاقي كوميدي, دراما, فانتايا, سينما, تلفزيون و مسرح كمان
و نجح فيهم كلهم بشكل متساوي
و السنه دي رجع لينا بمسلسل وطني, و نقدر نقول إن وجوده فقط أضاف كتير للمسلسل
شخص فاهم مهنته و متمكن منها لأقصى درجة, و حب غير مشروط بينه و بين جمهوره يستاهل أكتر منه كمان
….
طارق لطفي (القاهرة كابول)
الشرير الذي احببناه
طارق لطفي الحقيقة ممثل لا غبار عليه
لكن وجوده وسط مجموعة من النجوم زي (خالد الصاوي, فتحي عبد الوهاب, حنان مطاوع) و يقدر يخطفك من وسطهم, ده شيء كبير جدا
أداء ناضج جدا و تحكم كبير في ملامح الشخصية و إنفعالتها
بركان خامد فعلا .. و دي أعظم حاجة في تجسيده
….
محمد فرّاج (لعبة نيوتن)
