..مالِك؟ مفيش
..التريند اللانهائي
مالك؟ ايه اللي مضايقك؟
.مفيش
!طيب
.أكيد كلنا حفظنا السيناريو ده و اتحرق في مليون افيه و نكته.. و عمره ما قدم
.أشهر مقولات البنات
.قبل ما نتكلم في الموضوع بجدية تعالوا نقول أشهر جمل البنات و الستات و نشوف معناهم الحقيقي
. سبني دلوقتي! = لو سبتني احتمال يكون أخر يوم في عمرك
. اعمل اللي انت عايزه = انت عارف أنا عايزة ايه و لو عملت غيره هتندم
. مفيش حاجة.. = لو قلت ماشي و سكت هزعلك.. أوي
!يعني انت مش غلطان؟ = جرب قول لأ كدة
!لو انت عارف المعاني دي كدة المشكلة اتحلت؟ لأ برضه
!ليه ده بيحصل؟
.(المشكلة هنا –زي ما كتاب ” الرجال من المريخ.. النساء من الزهرة” شرح- طريقة تفكير الرجل و المرأة مختلفين تماما (مع وجود استثناءات
.الرجل بطبعه واقعي.. عقلاني.. بيحسب كل حاجة بالورقة و القلم.. واحد زائد واحد يساوي اتنين زي ما بيقولوا
أما الست في الأغلب بتكون حساسة.. مشاعرها –في بعض الأوقات- بتسيطر أكتر من عقلها.. أو على الأقل بيكون ده رد الفعل الأول بعد كدة تفكر في الحاجة بموضوعية أكتر. ده غير ان تفكير المرأة دايما عميق حتى في أصغر المواقف و دايما بتوصل لمعاني خفية .. حتى لو مش موجودة في الحقيقة
طب ايه؟ نهاجر لمجرة تانية يعني؟
..في الحقيقة الموضوع بسيط جداً
لو فهمنا طريقة تفكير بعض و تقبلنا ده الموضوع هيكون أسهل كتير. يعني ممكن تقولي: ” أنا متضايقة بس مش عايزة أتكلم دلوقتي” و انت ممكن ترد: أنا يهمني أعرف اللي مضايقك و هسمعك لما تبقي مستعدة
….لأن في النهاية بداية فشل أي علاقة سواء علاقة أسرية، صداقة أو حب هي ان طرف يشيل من التاني و المشاكل تتراكم و تتعقد
أكيد هيكون فيه أوقات الموضوع مش هيكون بالسلاسة دي.. ما احنا بشر برضه! بس الأكيد ان نسبة الخلاف هتقل جدا و هيكون في تفاهم و احترام متبادل و ده اللي بينمّي أي حب في الدنيا