حاجات متعرفهاش عن سرطان الثدي
شهر أكتوبر مشهور بتوعية الستات في كل حتة من مخاطر سرطان الثدي.
.و هو مرض محتاج متابعة و كشف عشان أي ست تقدر تتجنبه
يا تري إيه هي أعراضه؟-
يمكن دي حاجة مش ستات كتير ممكن تبقي عارفاها، و هي أعراض المرض نفسه
لو لقيتي احمرار في الجلد، افرازات أو تغيير في حجم الثدي، كتلة في الثدي سواء بتسبب وجع أو لأ
لو حسيتي بأي حاجة من الحاجات دي، لازم تروحي لدكتور و تكشفي عشان تعرفي سبب الأعراض دي إيه
.بس حتي لو مش حاسة بأي عرض من الأعراض دي، لازم كل فترة تكشفي عشان تتجنبيها
إيه هي أسباب الإصابة بالمرض؟-
من الأسباب هي: الوراثة، الوزن زائد، سن اليأس، التدخين، أقراص منع الحمل و العلاج بالهرمونات
و لازم تكوني عارفة، إن مش كل الأورام خبيثة، في أورام بتكون حميدة و بيكون ليها أسباب مختلفة زي
.تكيس، ورم غدي ليفي ، أو تلوث
الأهم من كل ده، إزاي تقدري تقللي أي احتمال إنك تتصابي بالمرض
حافظي علي وزنك و مارسي أي رياضة أو حاولي دايماً تحركي جسمك
اهتمي بالرضاعة الطبيعية، و ابعدي عن أي اشعاعات ممكن تتعرضي ليها
.اكشفي لنفسك، أو في عيادة و ممكن عشان تطمني أكتر تعملي تصوير اشعاعي اسمه ماموجراف
و لو حاسة بأي كتلة في الثدي، روحي للدكتور عشان ياخد جزي من الكتلة دي و يكشف عليها
.و يتأكد الورم ده حميد و لا خبيث
: و ممكن كمان تركزي علي أكلات معينة زي
:الطماطم، التوت، الأفوكادو، البروكلي، السبانخ، الخرشوف و المشروبات زي
عصير الرمان و الشاي الأخضر
.كل ما تهتمي بصحتك، و تاكلي كويس، و تكشفي كل فترة، كل ما احتمالات اصابتك بالمرض حتقل