يوسف منصور ..قط الصحرا
،لما نيجي نراجع تاريخ السينما المصرية ونجمع الأفلام القتالية
اللي اتشهرت جدا في فترة التسعينات هنلاقي ان يوسف منصور
هو صاحب نصيب الأسد في النوع ده من الأفلام
الغريب في الموضوع ان التمثيل كله بدأ معاه صدفة لما المخرج ابراهيم عفيفي عرض علي يوسف
.دور صغير في فيلم “العجوز و البلطجي” سنة ١٩٨٩ و من هنا كانت البداية
حكاية يوسف منصور كانت مثيرة اكتر من الأفلام اللي عملها بكتير، من اول ولادته لما الدكتور
افتكره اتولد ميت و رماه في سلة المهملات و لما راح بعدها يعرف سبب الوفاة اكتشف انه لسه عايش، بعد كده هاجرت
.عيلة يوسف لأميركا وهناك كان زمايله المتنمرين بيضربوه وبيستغلوا انه كان طفل هزيل و نحيل
ولما حس بالأهانة بدأ يتعلم تمارين كمال الأجسام، وفي يوم من الأيام اتعرض ليه هو وواحد من اصدقائه بعض الشباب
بس صديق يوسف اتصدي .ليهم ببعض الحركات ولما يوسف سأله عن ايه هي الرياضة اللي بيلعبها عرف انها الكونج فو
.ومن اليوم ده و الكونج فو اصبح حياة يوسف كلها
مع تألقه في رياضة الكونج فو بدأت نجاحات يوسف منصور تتوالي في السينما، قدم واحد من اشهر افلامه في بداية مسيرته
الفنية “قبضة الهلالي” مع ليلي علوي وحمدي الوزير، ومع نجاح الفيلم بدأ الجمهور يطلب افلام اكتر من النوع ده واللي ماكنتش موجودة
.قبل كده غير في الأفلام الأجنبية او اليابانية فا بالتالي يوسف اصبح ايقونة قتالية بالنسبة للشباب في الوقت ده
،قدم بعدها افلام لاقت نجاح و استحسان كبير زي “الشرس” مع يسرا ومحمود حميدة و”البلدوزر”مع شيرين سيف النصر
و جميل راتب قدم كمان فيلم “قط الصحراء” مع الفنان الكبير أحمد رمزي ونيللي وفيلم “الرجل الشرس” مع ملك الترسو
فريد شوقي وكان فيلم “بدر” آخر أعماله واللي كان احداثه بتدور حول مطربة عربية بيقوم يوسف منصور
بتأمينها، الجدير بالذكر ان يوسف منصور كمان اخرج و الف وانتج بعض من افلامه فهو فعلا فنان حتي النخاع
،بس السينما زي ما بتدي شهرة بتاخد من الفنان حاجات تانية في سنة ٢٠٠٦ يوسف منصور
.اصيب بتهتك في الأعصاب والمفاصل بسبب تدريبات الكونج فو المستمرة والحركات الخطر
اللي كان بيقوم بيها في الأفلام وأصيب بالسرطان واللي كان سبب في بعده عن السينما والكونج فو
اللي هما عشقه الأول و الأخير ده ، غير انه فقد ٢٥ كيلو من وزنه بسبب مرضه، بدأ يوسف رحلة علاجه من السرطان في المانيا
و بسبب كونه بطل ومحارب قبل اي شئ قدر يوسف بصبره و ايمانه انه يحارب المرض و يتغلب عليه
.عن طريق علاجه بالخلايا الجذعية ومن غير اي علاج كيماوي
،يوسف منصور صرح في الفترة الأخيرة عن انه نفسه يرجع تاني للفن ولتقديم ادوار في السينما
..واحنا من جانبنا بنتمني انه يرجع تاني يمتعنا بأدواره اللي تألق فيها و ماكنش ليه فيها اي منازع