دليلك لأهم الجزر المصرية

دليلك لأهم الجزر المصرية

مصر معروفة بالآثار وخصوصا الفرعونية, وكل العالم بيجي مصر عشان يشوف الحضارات والمعالم السياحية التاريخية اللي موجود فيها
بس كمان في مصدر جذب مهم للسياحة في مصر
ممكن مايبقاش بنفس الشهرة لكن بيدي تنوع لشكل السياحة في مصر
وهو الجزر مصر مليانة جزر فعلا إستثننائية  وتستاهل الزيارة و ده لتنوعها الشديد
يعني ممكن تروح جزر عشان الغطس و الشعب المرجانية المميزة و الطبيعة المائية الفريدة ومنها اللي ممكن يكون عليه معابد ومعالم سياحية
ومنها اللي بيتراح للإستجمام, ومنها اللي بيتراح للإستمتاع بأشكال النباتات النادرة
وكل ده هنقدمهلكوا و نوريكوا أشهر الجزر في مصر وكم التنوع اللي موجود فيها

….

جزيرة فيلة

و دي واحدة من أشهر الجزر المصرية إن لم تكن الأشهر
متواجدة في منتصف نهر النيل بأسوان
ويرجع إسمها وشهرتها لتواجد معبد فيله بها في السابق
قبل قصة نقله الشهيرة لجزيرة أجيليكا أثناء بناء السد العالي لإرتفاع منسوب النيل

 

جزيرة النباتات

جزيرة النباتات ودي تعتبر أقدم حديقة نباتات في العالم
ودي موجودة في مدينة أسوان, و فيها عدد من النباتات النادرة الموجودة في أسوان فقط وعشان كده بتعتبر الجزيرة دي واحدة من أهم المزارات للسياحة في مصر لتفردها وتميزها بأنواع النباتات الموجودة فيها

 

 جزيرة نيلسون

(جزيرة نيلسون أو كما يطلق عليها بين أهل إسكندرية (جزيرة جريشة
وهي قريبة من ساحل الإسكندرية على بعد 4 كيلو متر شمال خليج أبو قير ومساحتها الحالية حوالي 21300 متر مربع, وتعتبر مكان مهم لأهل إسكندرية لممارسة الصيد وعلى قد ما ممكن تكون الجزيرة مش معروفة على مستوى الرياضات المائية أو السياحة المائية, ولكنها على صعيد آخر ليها مكانة أثرية وتاريخية كبيرة لأنها شهدت العديد من معارك الحرب العالمية الثانية, بل و بيرجع تسميتها الى القائد الإنجليزي نيلسون بعد إنتصاره في معركة ابو قير البحرية على اسطول نابيلون سنة 1798

جزيرة الزبرجد

(وتعرف أيضا بإسم جزيرة (سانت جونز
وهي واحدة من أهم جزر مصر المشهورة بطبيعتها الجيولوجية المتفردة
ولذلك هي مكان حيوي لرياضة الغطس
وهي تقع في البحر الأحمر بين مرسى علم  السودان
وترجع أهميتها وشهرتها بالإسم ده لأنها أكبر مصدر للعالم لحجر الزبرجد
وعثر بداخلها على أكبر حجر زبرجد في العالم, وهو حجر يبلغ وزنه أكثر من 310 قيراط, معروض في متحف المعهد السمسثوني الشهير في العاصمة الأمريكية

 

جزيرة الجفتون

 و هي جزيرة تقع بالغردقة وإنقسمت بفعل الصدع و تحولت لجزيرتين جزيرة الجفتون الكبيبرة و جزيرة الجفتون الصغيرة
وترجع شهرة الجزيرة دي لكونها تعتبر محمية طبيعية فريدة جدا, و ده لإن بيسكنها تقريبا 50 % من مجموع طيور النورس في العالم و فيها كمان أنواع أخرى من الطيور الفريدة و النادرة وهي كمان الجزيرة الوحيدة اللي ممكن النزول والمبيت عليها وده لتوفر كل خدمات الترفيه والإسترخاء, من مطاعم شاطئية, ونشاطات مائية, وحمامات للأشخاص المقيمين فيها لدواعي الغطس والغوص

جزيرة فرعون

وهي جزيرة مرجانية تبعد 8 كم عن طابا جنوبا, تتوسط قمة خليج العقبة, وهي تُعرف أيضاً بإسم (جزيرة المرجان) وده لكثرة الشعاب المرجانية المتواجدة في محيطها وتشتهر ب(قلعة صلاح الدين) التي تعتبر أهم الآثار الإسلامية في سيناء
ويُشار إلى بناء الصليبيون لقلعة فيها في العصور الوسطى, وذلك لحماية الطريق الذي يصل بين دمشق والقاهرة, وقد سيطر صلاح الدين الأيوبي على القلعة في عام 1170م وسميّت بإسمه ولازالت تعرف بإسمه حتى الآن

 

مصر مليانة بطبيعة متفرده و متنوعة جدا, وتستاهل فعلا إن الواحد يدور و يحاول يروح يشوف كل الجمال ده, عشان كده لو ماكنتش تعرف إن الجزر والجمال ده موجود حواليك, فبعد الكلام ده لازم تزور الجزر دي في أقرب وقت ممكن