دليلك لأحسن حواوشي في مصر

دليلك لأحسن حواوشي في مصر

اللحمة المفرومة المتبلة في العيش المقرمش ده مش حواوشي ده قلبنا من جوا
و عشان مافيش أكل أو مطعم شعبي يخلو من الحواوشي, فتعالوا سوا نعرف أصل تسميته و منين تاكل رغيف حواوشي أصلي

….

أصل التسمية

أصل التسمية ظهر مع أول ظهور للأكلة دي واللي كان في السبعينات
جزار بعربة صغيرة بيتجول في الشوارع عشان يبيع – الأكلة الجديدة وقتها – عيش محشي لحمة مفرومة متبلة
الجزار ده كان إسمه “أحمد الحواوش” , بالظبط جت التسمية من هنا
“أكلة جديدة وأختراع جديد ولسه مالوش إسم محدد, وإسم الحواوش إسم مختلف و شعبي و من وقتها أنتشر “الحواوشي

طب إيه أحسن المطاعم اللي ممكن تاكل من عندها “الحواوشي”؟ .. ما تيجوا نشوف

….

حواوشي الربيع

جزارة الربيع في أمبابة بالقاهرة هي أشهر مكان بيقدم حواوشي في مصر
الجزارة بتقدم كل أنواع الأكل الشعبي, ولكنه أتشهر بالحواوشي لطريقته الخاصة  في صنعه وطعمه الفريد اللي بيقدمه
حواوشي الربيع بيقدم حواوشي سادة و بالسجق بطعم مختلف عن أي حواوشي تاني ممكن تاكله

….

حواوشي الرفاعي

“لو أنت من منطقة عابدين و نفسك هفتك على حواوشي, يبقى لازم “حواوشي الرفاعي
الرفاعي واحد من أقدم المطاعم اللي بتقدم حواوشي في مصر, والخلطة اللي بيقدمها مميزة جدا
بيقدم حواوشي سادة, و عنده الضاني وسجق وبسطرمة كمان

….

حواوشي شلبي

“حواوشي في وسط البلد يعني “حواوشي شلبي
شلبي من أقدم الأماكن اللي تخصصت في “الحواوشي” , ورغم إنه موجود في زقاق متداري في وسط البلد
لكن طعمه الفريد خلاه واحد من أشهر الأماكن اللي بتقدم حواوشي في مصر, و خلى الناس تجيله من كل مكان
وهناك أنت تقدر تختار الحواوشي بتاعك بنفسك, سواء عايز عليه كفته أو سجق أو جبنة أو مشكل
و كمان عنده تقدر تطلب “رغيف كمالة” , و دي حاجة مش هتلاقيها في أي مكان تاني

….

جزارة محمد حامد

لو أنت من إسكندرية فمافيش أشهر من “جزارة محمد حامد” في منطقة بحري, عشان تاكل حواوشي أصلي
ورغم غلاء سعره مقارنة بباقي المحلات المتخصصة في الحواوشي الإسكندراني, إلا أنه المكان المفضل لـ “أكيلة” الحواوشي
محمد حامد بيقدم جودة و طعم وخلطة فعلا مش هتقدر تقاومها, و لازم هتاكل من عنده تاني

….

جزارة الراعي

و في إسكندرية كمان في منطقة سموحة, في المكان المتخصص في حواوشي الجبنة
“واللي مش هتلاقي أحلى منه في مصر كلها حواوشي “الراعي
هناك أنت تقدر تاكل الحواوشي الساده بطعم مميز جدا, لكن “الراعي” خد حواوشي الجبنة لمكان تاني خالص
وعشان كده إحنا بننصحك أي حواوشي هتطلبة خليه بالجبنة .. و ادعيلنا