دليلك لأحسن أماكن للسحور في مصر

دليلك لأحسن أماكن للسحور في مصر

السحور مابيتحكمش عليه إنه حلو من مجرد طعم الأكل, عشان تستمتع بالسحور فعلا لازم تعيش أجواء رمضانية إستثنائية
و احنا النهاردة جايين نوريكوا أماكن و مطاعم بتقدم الأجواء دي, و في نفس الوقت بتقدم أكل مميز, عشان تعيشوا تجربة سحور ماتتنساش

….

تياترو إسكندرية

لو أنت من سكان إسكندرية و عايز تعيش جو مصري أصيل وأجواء وديكورات ترجعك للزمن الجميل, يبقى لازم يرح مطعم تياترو إسكندرية
لإنه غير أنه مطعم بيقدم تشكيلة متنوعة و مميزة في السحور, لكن كمان في انشطة ثقافية كتير بتتعمل فيه
زي الندوات الثقافية , والبرامج الفنية واستاند أب كوميدي, وإسكتشات موسيقية
حتى الديكورات بتاعته مصرية جدا ومعمولة بالأرابسيك, يعني هتقعدوا في جو مصري ممتع وجميل جدا
و هتقضوا سحور على أنغام الموسيقى والإستعراضات هتفتكروه دايما

….

خيمة رمضان” سي عمر”

تعد خيمة “سي عمر” من أشهر خيم رمضان في القاهرة، ومتواجدة بفندق فيرمونت هليوبلس
بتقدم الخيمة قوائم متنوعة من الأكلات الشرقية, إضافة إلى برامج ترفيهية تتضمن فقرات غنائية لأبرز نجوم الغناء
يعني هتروح هناك هتقضي وقت مختلف, و تشوف اشهر النجوم, و تتسحر أحلى سحور

….

زينب خاتون

بيت “زينب خاتون” الأثري يعد إحدى أشهر البيوت بمنطقة الحسين في مصر
يتميز بـأجواء روحانية مميزة .. يمكن قضاء ليلة رمضانية رائعة على أنغام الطرب الشرقي والعزف على العود
يضم “بيت زينب خاتون” ساحة داخلية بديكورات مصرية وشرقية على الطراز الإسلامي
كما تٌقدم فيها عروض التنورة والفقرات الغنائية الطربية الشرقية
و هناك إهتمام كبير بالمشروبات الرمضانية, و أكلات السحور الشرقية
عشان تقضي هناك ليلة روحانية رمضانية عمرك ما هتنساها

….

بيت السحيمي

عشاق شارع المعز في القاهرة، يمكن الاستمتاع بليلة رمضانية رائعة وسط أجواء مصر القديمة الساحرة في بيت السحيمي
يقدم بيت السحيمي عروض تنورة ومزمار, لإعطاء جو مختلف لوقت السحور
و وجبة السحور مكونة من فول وبيض وجبنة وبطاطس وزبادي .. يعني كل اللي أنت محتاجه هتلاقيه و زيادة

….

فول زوبا

 يعد من أشهر مطاعم الأكلات الشعبية بمنطقة الزمالك، و اللي وصل للعالمية و له فروع بره مصر
بس جوه في مصر حاجة تانية و خصوصا في وقت السحور
الديكور الشعبي، و الأصناف المتعددة المميزة اللي بيقدمها للسحور, بتخلي للسحور طعم تاني
لو مالكش أوي في الأجواء الشرقية اللي ميزت كل الأماكن اللي فاتت, فده انسب إختيار ليك