النسخة المصرية La Casa De Papel ٣ حاجات مخفية في
من كام يوم كده دخل علينا حاجة غريبة على وسائل التواصل الاجتماعي فيسبوك وتويتر وانستجرام.
لاقينا فيديوهات La casa de papel بس بالمصري!
قعدنا ندوّر على مصدر الفيديوهات دي…
لاقينا إن دي آخر حملة إعلانات لـ “خير زمان” كانت معمولة لعروضهم الجديدة اسمها “فرقة العروض”.
سلسلة سوبرماركت “خير زمان” اللي في كل مكان في مصر قرر يستغل نجاح وشهرة المسلسل الإسباني الأشهر La casa de papel
في إنه يعلن عن عروضه وخصوماته… وما بين مؤيدين ومعارضين للحملة،
إلا إن الفيديوهات عملت قلق على السوشيال ميديا.
وكان فيه شوية نقط الناس مجتمعة عليهم وعلّقت في دماغ المشاهدين…
1- البروفيسور المصري. 
أول حاجة كلنا لاحظناها وعنينا راحت عليها كانت مين اللي عامل شخصية “البروفيسور”… بطل المسلسل الشهير اللي قام بدوره “آلفارو مورتي” هو فتى أحلام نص فتيات كوكب الأرض، والصراحة الفنان “أسامة الهادي” اللي عمل الشخصية في الإعلان كان أقرب ما يكون للبروفيسور. والله ما قصرّت يا “أسامة”! ✋🏻😂
2- مستوى التصوير برده كان من الملحوظات المهمة اللي الناس كلها اتفقت عليها…
تقنيات عالية والمزيكا والأداء لكل فريق العمل والمؤيدين والصرف باين.
3- الفكرة نفسها جريئة وجديدة وبرّة الصندوق، ومش قرار سهل إنك تآخد مسلسل مشهور
وناجح زي La Casa de Papel وتعمل منه فكرة إعلان للبراند بتاعتك.
لكن المجازفة حلوة… حلوة مفيش كلام!
فمن موقعنا هذا بنحب نحيي “أحمد الجارحي” على شغل الكريتيف والإخراج… حقيقي مجهود كبير وجرأة أكبر. 
،،
في المسلسل كان البروفيسور وعصابته بيحاربوا النظام والفساد…
وهنا سلسلة “خير زمان” بتحارب غلاء التجار بالعروض بتاعتها اللي بتنزل كل أسبوع مع حلقات “فرقة عروض”.
الإعلانات طول عمرها كانت وسيلة تواصل مع الناس…
ومن الذكاء إنك لما تيجي توصل للناس، توصل لهم من
ناحية حاجة بيحبوها ومتعلّقين بيها زي La Casa de papel
ومن الإبداع بقى لما تقدملهم ده بتويست مصري أصيل يعبر عنهم ويشوفوا نفسهم فيه!