شنبات تصنع المعجزات

No Shave November حركة
هي معنية، بقالها سنين، بالتوعية بجميع أنواع السرطان
، في هيئة إنها بتدعوا الرجالة إنهم مايحلقوش شعرهم أو ذقنهم في شهر نوفمبر
علشان الناس اللي يشوفوهم تفتكر معاناة مرضى السرطان اللي كتير منهم بيفقد شعره بسبب
.العلاج الكيميائي، ده غير إنك ممكن تتبرع للمرضى على الموقع بتاعهم

احنا اختارنا السنة دي، إننا هنستخدم
للتوعية بسرطان البروستاتا No Shave November
،من أعراض سرطان البروستاتا إن يكون فيه مشكلة في التبول
. أو مشاكل في منطقة الحوض أو في العظام، ضمن مشاكل تانية
، وبيزداد خطر الإصابة بيه مع التقدم في السن، أو لو كان الشخص مصاب بالسمنة
أو عنده تاريخ عائلي للإصابة بالمرض
.ومن الحاجات المخيفة في سرطان البروستاتا إن ممكن في المراحل الأولى مايظهرش له أعراض

، نسبة الإصابة بسرطان البروستاتا مش قليلة، الإحصائيات بتقول إن 1 من كل 9 رجالة بيصاب بيه
وعلشان كده بننصح أي حد فوق ال55 سنة إنه يعمل كشف سنوي علشان يتطمن على نفسه
، لإن نسبة المرضى اللي عارفين إنهم مصابين بالمرض في  مصر 7% بس
. مقارنة ب77% في الدول الأوروبية
، ولو أنت شاب أو شابة حاولوا تدفعوا أهاليكم الكبار في السن إنهم يكشفوا عند دكتور
.وبالذات لو هم معديين ال60 أو 65 سنة، لإن كل 6 من 10 حالات بيتشخصوا وهم أكبر من 65 سنة

،علشان تحافظوا على نفسكم وأنتم في سن مبكر
، حاولوا وجباتكم يكون فيها جميع العناصر الغذائية، وتكون كلها طبيعية
. تمارسوا رياضة بشكل منتظم، وتحافظوا على وزن صحي

لو مهتمين تعرفوا أكتر عن سرطان البروستاتا ممكن تزوروا
أول موقع باللغة العربية متخصص في التوعية بالمرض prostatecancer.me