للرمان خرافات
…للرمان خرافات
فى نوفمبر شهر الرمان ناس كتير اتكلمت عن فوائد الرمان اللى ملهاش نهاية
..و تأثيرها فى علاج أمراض كتير بس احنا حبينا نتكلم عن بعض الاساطير او الخرافات المرتبطة بالرمان
- الرمان و غزو الهكسوس
من المعروف ان فترة احتلال الهكسوس لمصر حوالى مائة عام و كانت فترة كلها سلب ونهب و تخريب
بس بغض النظر عن كل ده فا الهكسوس كان ليهم الفضل فى ادخال زراعات مهمة منها زراعة الرمان
وتم طرد الهكسوس من مصر على يد الملك أحمس الاول ، بس محدش كان يعرف ان الهكسوس بيتقمصوا
فا اخدوا جيشهم ولعبهم و الرمان معاهم و هما ماشين
- الرمان لتحديد النسل
فى العربية القديمة كانوا بيستخدموا بذور الرمان فى التنبؤ بالخصوبة و تحديد عدد الاطفال و ده كان بيحصل ازاى ؟
كانت الست زمان تجيب رمانة و ترميها بشكل عشوائي فى دايرة معينة ويعدوا حبات الرمان اللى خرجت بره الدايرة دى
و ده بيكون عدد الاطفال اللى هيخلفوها مع العلم إن كل ثمرة رمان فيها حوالى من ٢٠٠ ل ١٤٠٠ حبة
و مش هنحاول نحسب احتمالات كام حبة رمان ممكن تقع و لكن العالم ملىء بالعبث بما فيه الكفاية فا مش هنستغرب الطريقة العبثية دى
- أكل الرمان بليل يزيد الوزن
من ضمن الخرافات ان الرمان بيزود الوزن لو اتاكل بليل و دى مش حقيقة لان فى دراسات كتير اثبتت
ان الرمان ليه دور مهم جدا فى التخسيس و تقليل نسبة الشحوم فى الدم و دبس الرمان
اللى يعتبر من الاختراعات المهمة للبشرية بيتحط على أي أكلة و بيخلي طعمها حلو جدا و برضو بيقلل الوزن
- بقع الرمان العنيدة لا تزول
كان نفسنا نقول انها خرافة بس للاسف بقعة الرمان عنيدة فعلا
لانها لو فضلت لساعات طويلة مش هتتشال
.وللاسف دى حقيقة مش خرافة فحاولوا ماتلبسوش هدوم جديدة و انتو بتاكلوا الرمان
مع احترامنا الكامل للتاريخ والاساطير او الخرافات اللى اتقالت عن الرمان و الفوائد
..اللى منقدرش ننكرها لكن فى حقيقة واحدة كلنا عارفنهاا و هى إن تقشير الرمان ممل جدا