عادات مصرية %100
مين المصريين ؟
إحنا الشعب اللي بيبان وسط مليون واحد من الإبتسامه والجدعنة بتاعته
،إحنا ولاد البلد الجدعان اللي وسط الضيقة تلاقي الغريب قبل القريب
الضحك و الهزار بيجروا في دمنا و حتى وقت الجد الهزار مش بيفارقنا وزي ما إحنا متميزين في كل حاجه عندنا
عادات و تقاليد مستحيل تلاقيها عند أي حد تاني بتتنقل من جيل لجيل زي ما تقول كده
.“تاتش مصري” اصيل مستحيل تلاقيه في اي حتة تانيه في العالم
:شهقة الملوخية
و أنت قاعد في امان الله هتسمع صوت غريب جاي من المطبخ طبعا انت كمصري اصيل
هتعرف ان الغداء النهارده ملوخية و السؤال اللي كلنا بنسألوا ايه سر الشهقة دي ؟
الحكاية و ما فيها كان في ست مصرية بعد ما عملت التقلية الحلة اتهزت منها من الخضة شهقت و الحظ عملها
.و الملوخية طلعت حلوة فقررت ان السر في الشهقة و من هنا ابتدت الشهقة المصرية تتنقل من بيت لبيت في مصر
:عزومة المراكبية
.صنعت في مصر و للمصرين فقط جملة محدش يفهمها غيرنا
طبعا احنا شعب متربي و معروف بكرمه الزايد بس ده مينكرش ان ساعات بتكون من غير نفس بتعزم
و انت من جواك بتدعي ان اللي قدامك يقولك لأ حاجات كده زي “خلي يا باشا” و دي حاجه بسيطه و مره عليك و مره علينا.
الأبطال الحقيقيين للعادة دي هم الصيادين لما كانوا بيعزموا علي الناس اللي على البر يأكلوا معاهم و هما في اليحر
.كأداء واجب بس و من هنا جت عزومة المراكبية
:المقص المفتوح يسمعك اخبار وحشه
طبعا احنا كمصرين بنآمن جدا و بنخاف من اي حاجه ليها علاقه بالنحس
و الحسد ماشين وراء مبدأ ابعد عن الشر و غنيلوا
المقص نفسه يقولنا و أنا مالي يا لمبي ؟
بس ازاي احنا اتربينا ان اللعب بالمقص يجيبلك النحس و لو فضل مفتوح
.هيخلي يومك مليان مشاكل احنا كده بنحب نلاقي سبب لكل حاجه
:بالباقي لبان
المصري معروف بجبروته مفيش فكه ؟
الجيش قالك اتصرف يبقى بالباقي لبان دي عملة اكتشفها المصرين
و بنعتبرها من اهم انجازتنا محدش في العالم بيستخدمها غيرنا ولا حد هيفهمها غيرنا و طبعا لو جالك سائح من بره مصر
.حيكون فكره بتوجب معاه و هو مش فاهم اللي فيها
:الشبشب المقلوب
لو أنت معدي في طريقك و شايل مليون حاجه و لقيت الشبشب مقلوب انت كمصري
اصيل حتسيب كل حاجه و تجري عليه تعدلوا قبل ما يجيب الفقر للبيت
احنا بنعتبر الشبشب المقلوب اداه لتدمير الحياة بيجيب النحس و الفقر و دي عاده طلعتها الأمهات المصرية
.عن اقتناع ان الشبشب المقلوب بيكون في وش السماء و ده بنسبه لهم فال وحش يجيب الفقر و يمنع الخير غالباً هم مش معترفين بسقف البيت
:دلق القهوة خير
احنا ممكن نعدي اي حاجه تتكسر او تتدلق عادي بس كله الا القهوة غالبا مشاركتها في اغلب الاحداث المصيرية
في حياتنا زي الاجتماعات المهمة او قاعدة تعارف قبل الجواز هي اللي خلتها في المكانة دي فإحنا كمصريين
كان لازم نربط دلقها بفال حلو و من هنا انتشر دلق القهوة خير بس مين اول حد قال الجملة دي و ايه علاقة القهوه و الخير ؟
الجملة ديه ترجع لقصة عم خير عامل بسيط في قصر كبير ضيوفه كتير لما كبر في السن كان دايما بيدلق القهوه
و هو بيقدمها فسموه دلق القهوة خير مفاجأة مش كده ؟