حنفطر إيه النهاردة؟ الإجابة شاورما من سوري
بقالنا كتير في البيت محبوسين، ووحشنا حاجات كتير أوي…
ويمكن أكتر حاجة واحشانا بجد ونفسنا نآخدها بالحضن، الشاورما!
،،
وحشتنا الشاورما وفتتها وتوميتها ومخللها
وعلى رأي عمرو دياب “أي حاجة تيجي من ريحة الحبايب”….
وفي رمضان السنة دي اتحرمنا من الخروجات والفطارات برة البيت…
بس متحرمناش من حلاوة وطبطبة الشاورما السوري علينا في الأيام دي.
أكيلة إسكندرية لتاني مرة ع التوالي يحكولنا عن حظهم في الأكل…
وإذا ذُكرت الشاورما السوري الأصيلة اللذيذة… ذُكر “سوري”.
“سوري” اسم كل الناس عارفاه وبتحلف بيه ف عروسة البحر المتوسط…
وفي رمضان 2020 “سوري” قرر يبسط كل الأكيلة ويدلّعهم بوجبات فطار تمشي مع ذوق كل أكيل
لو كنتم عيلة وزهقتوا من الطبيخ والبشاميل في الفطار…
فـ “سوري” عامل وجبات فطار عائلية مختلفة… تكفّي وتشبّع 
عندك مثلًا:
وجبة فراخ مسحّب ووجبة الميكس جريل
ودوول بيجي معاهم رز بسماتي + خضار سوتيه أو بطاطس محمرة زي ما إنت عايز + تومية أو كول سلو + عيش لبناني + حلو رمضان.
ولو إنتم أسرة بتحبوا الفتة… ففيه وجبة الـ 4 فتة لارج!!
ودوول عبارة عن فتة شاورما فراخ بالتومية/ فتة كريسبي/ فتة صيني (وده اختراع من سوري)/ فتة بالكفتة والزبادي. ومعاهم كولا لتر لزوم الحبس وحلو رمضان برده.
فيه العيلة اللي وحشتها الساندوتشات… ودوول عندهم الـ 4 ساندوتشات لارج! 
تقدروا تختاروا حسب مزاجكم شاورما فراخ/ كريسبي/ شيش طاووق/ كفتة… ومعاهم طبعًا بطاطس وكولا.
وفيه العيلة الفرفوشة الروشة… ودوول ممكن يطلبوا وجبة الكريسبي العائلية.
ودي عبارة عن 12 قطعة صدور دجاج مقلية مقرمشة بخلطة “سوري” المميزة جدًا
ومعاها رز بسمتى + خبز +ثومية +مخلل+كولا لتر +طبق حلو رمضان.
والعظيم بقى في كل ده إن كل الوجبات العائلية
دي بـ 150 جنيه!!!
والأكيلة حبايبنا هناك قالوا لنا على حلاوة الوجبات الفردية كمان…
وإزاي جامدة جدًا وبتشبّع وبتيجي سخنة
فيه منها نفس اختيارات الوجبات العائلية (مسحب/ كفتة/ كريسبي/ شيش طاووق/ ميكس جريل)
ده غير العادي الموجود في منيو “سوري” الفتات والساندوتشات.
وطبعًا “سوري” مش حيفطّرك بس ويسيبك ساعة السحور… 
ففي حالة إنك زهقت من الفول والزبادي فحتلاقي وجبة السحور عبارة عن منقوشتين وسلاطة زبادي
وتمنها 25 جنيه بس.
،،
رمضان السنة دي آه مفيهوش عزومات…
بس فيه قاعدة عيلة ولمة يمكن في السنين اللي فاتت ماكنتش بتحصل
عشان الليالي والسهرات والخروجات كانت مفرقّانا
بس الأكيد إن الأكلة الحلوة والشاورما مش حنتحرم منها طول ما “سوري” موجود…
ويا بخت أكيلة إسكندرية! 😂😂