أشهر الأكلات البورسعيدية

٦ أكلات بورسعيدية

…..

بورسعيد مدينة ساحلية ملقبة بالمدينة الباسلة
مدينة مليانة معالم كتير مشهورة زي ميناء بورسعيد
فنار بورسعيد ومتحف بورسعيد القومي
وزي ما هي مدينة جميلة ومليانة تاريخ
هى كمان مليانة أكل من اللي قلبك يحبه
في المقال ده هنستعرض معاكم أكلات بورسعيدية
.لازم تجربها لما تروح هناك

…..

١-اللامؤاخذة

من أشهر الأكلات في بورسعيد أكلة لا مؤاخذة
اللي عبارة عن بيض السبيط واللي بيتضاف عليه بصل وطماطم وبعدين بيدخل الفرن
حاجة لا مؤاخذة عظيمة

٢-البكلويز

البكلويز البورسعيدي يعتبر مزاج أهل البلد
ويعتبر من وجباتهم الأساسية ده غير إنه بيتعمل شوربة, ويعتبر الشتاء أفضل
.وقت لصيد البكلويز

٣-المدفونة

البورسعيدية بيعملوا الجمبري مدفون جوه الرز, بيجيبوا جمبري صغير يحمروه
 مع البصل والبهارات
.وبعدها يدفنوه جوه الرز وياكلوه

٤-كفتة الجمبري

في بورسعيد، كل حاجة مختلفة
عمرك سمعت عن جمبري يتعمل منه كفتة؟
بيطحنوا الجمبري مع كسبرة وبقدونس وشبت في الكبة وبعدها بيحطوا عليها
.رز مطحون, تتحمر في الزيت وبالهنا والشفا

٥-السمنية

زي ما بورسعيد فيها أطباق مميزة
فيها كمان حلويات مميزة زي السمنية
واللي بياكلوها هناك كفطار سريع او حتى تحلية, بتتكون من دقيق وسكر وسمن
المكونات دي بتتحط في قدرة نحاس وتتقلب على النار لوقت طويل
.بعدها تتحط في الفرن

٦-المنجأونة

زي ما بورسعيد مرتبطة بالسمك الشبار
وأبو العربي, هي مرتبطة كمان
بأكلة المنجأونة واللي إتعلموها
أهل البلد من الطليان واليونانيين
اللي كانوا زمان عايشين هناك
من اجمل الحلويات اللي هتاكلها في حياتك
.واللي لازم تجربها لما تزور بورسعيد

…..

خدلك إجازة يومين تلاته وروح إستمتع بسفرية حلوة لبورسعيد
جرب كل الأكل اللي هناك واللي غير حلاوته واختلافه
هتكتشف إن سعره أقل من محافظات تانية كتير
.و لو هتعدي علي بورفؤاد ماتنساش تجرب الفسيخ والرنجة هناك