رطب على نفسك

رطب على نفسك

“لو حابينا نعمل ترمومتر بيقيس قوة “مصرية
الإنسان ممكن نستخدم كمية لترات “القصب” في جسمه

“دمي كله قصب يا عم الشيخ عتمان”

مفيش عصير بيحبه المصريين زي القصب

بعد مشوار طويل، بعد وقفة طابور في الشمس
بعد لعب الكورة، في نهاية فسحة لذيذة
ومواقف كتير في حياة المصريين
“لازم تنتهي بـ “شوب قصب كبير

ولو إتكلمنا عن فوائد القصب الصحية
…فهنقعد نتكلم كتير لحد ما نحتاج نشرب قصب

القصب مفيد لعلاج العظام، والنحافة
وبيغسل الكليتين، وبينشط الكبد، وبيعالج الإكتئاب

…..

إيه هي أفضل 6 محلات قصب في القاهرة؟

لما تيجي سيرة “القصب” فلازم نتفكر أكتر ٦
محلات قصب في القاهرة يأما هتكون
:شربت من عندهم يأما لازم تشرب من عندهم في يوم وهي

١-القبيصي

في شارع رمسيس تحديداً في منطقة غمرة، جميل ونظيف وأشهر من نار على علم، شكل المحل وديكوره متغيرش كتير عن زمان فتقدر عنده تشرب أحلى كوباية قصب بالنوستالجيا

٢-أبو ليلة

الشهرة مغيرتهوش، ورغم تقديمه لعصائر فريش جميلة… مبطلش يهتم بعصير القصب اللي كان أحد أسباب شهرته، أشهر فروعه في ميدان تريومف بمصر الجديدة، وشارع ٩ بالمقطم

٣-فرغلي

ورغم إن في فروع من فروعه وقفت تقديم عصير القصب بسبب الإقبال الشديد على العصائر الفريش إلا وإن فروعه اللي بتقدم قصب هتدوق منها شوب قصب فوق العظمة

٤-اللورد

في شارع فيصل في الهرم، الجيزاوية بيعتبروه الهرم الرابع ومفيش حد بيعدي من الهرم إلا ولازم يروح يمضي حضور بشوب قصب من عنده

٥-العربي

أشهر فروعه في سانت فاتيما في مصر الجديدة ، وطبعاً جميل وما يزال يقدم عصير القصب رغم مجاورته لفرغلي، والإقبال عليه بالطوابير

٦-مرطبات العائلات

أشهر من نار على علم في مصر الجديدة
“ومينفعش تكمل “فسحتك
…إلا بكوباية قصب من عنده