قعمز, ألف هنا

كل شعب في العالم له ثقافة خاصة في الأكل
وبيبقى له أكلات مميز بيها لوحده ماحدش
بيعرف يعملها زيه ولا بيعرف سرها غيره
و إحنا في مصر عشان أكيلة لينا في كل محافظة سر
…بس كل الأسرار دي كوم والصعيد كوم
عشان كده إحنا دعبسنا وراهم و وصلنا
لشوية أسرار حربية عن الأكل الصعيدي
تعالى قَعمِز جنبنا وإحنا هنعرّفك لو رايح يوم في الصعيد
.إيه أغرب الأكلات اللي ممكن تقابلك طول اليوم
الصعيد أهم ما يميزه مخبوزاته ودي اللي
هتملى عليك يومك وهتملاك أنت شخصيا

…..

أولا العيش الشمسي

أو ما يطلق عليه الملتوت وده الغذاء الرئيسي اللي هيبقى معاك طول اليوم سواء في الفطار أو الغدا أو العشا، واتسمى كده لإن أهم خطوة في تحضيره هي إنه بيتساب يتخمر في الشمس, العيش الشمسي بيتكون
من دقيق القمح والخميرة والماء الدافي
وبيمر بستة مراحل لتحضيره أولا
عمل عجينة الخميرة ثم مرحلة العجن
اللي ممكن تستمر لمدة ساعة
وبعدين يتقطع على شكل دائري بشوكة نخيل
ويتحط على قرص مليان رده ويتساب في الشمس
.لحد ما يتخمر وبعدها نحطه في الفرن البلدي وألف هنا

….

وفي كمان البتاو الصعيدي

و ده عيش مكوناته شبه العيش الشمسي بس بيتعمل من الشعير وبيكون الطبقة بتاعته أرفع وأخف

…..

مع الفطار و العشا بقى لو عايز

تاكل حاجه خفيفة مع كوباية
الشاي الصعيدي الحبر مافيش
 أحلى من الفايش الصعيدي
و دي مقرمشات تعتبر من أشهر
المخبوزات في المطبخ الصعيدي
بتتعمل من خميرة خاصة وهى عبارة عن
حمص مطحون مع السكر ويتساب يتخمر

مع الحليب المغلي, و قرمش بقى مع
.كوباية الشاي أو الجبنة

…..

أما فقرة الغدا بقى فدي اللي مليانة كل الأعاجيب
الأول والأشهر البامية الويكا
و دي أكتر أكلة شعبية في الصعيد
وهي عبارة عن بامية ناشفة كبيرة الحجم بتتطحن بالمفراك بعد
الغلي في الماء ويتضاف عليها
.التوم والطشة والتوابل

(وفي كمان الفتة الصعيدي (السخينة
ودي بتتعمل في طواجن فخارية مكونة
من اللحمة الموزة وكمية من شرائح البصل

والسمن والتوابل وعصير الطماطم وعليها الرقاق المكسر الطري

والأغرب بقى في إسمها مش
في مضمونها الشلولو
مش عارف ليه الإسم ده مع أنها ملوخية عادي
الأكلة دي من أقدم الأكلات المصرية الصعيدية, عمرها 5 آلاف سنة، وليها أسماء كتير أغرب من
(الشلولو زي (الشطيطة والملصمة
ودي عبارة عن ملوخية مجففة بيتضاف
عليها الفلفل الأخضر والبصل والثوم والليمون فقط
والغريبة بيتم تحضيرها بالمياه الباردة
وتفرك الملوخية مع كل الإضافات دي
وبكده يطلعلك الشلولو, ليهم حق يسموها كده

….

أما بقى في وقت التسالي بين الوجبات
أو لو عايز تحلي بعد الأكل فالحلويات الصعيدي غير, ممكن تتسلى في بلح
 أخضر لسه ماستواش على النخل أصلاََ
 ودي من أشهر التسالي الصعيدي
 .وإسمها الدقاشة

…أو تاكل جلاب
ودي من أكتر الحلويات اللي بتميز الصعيد وهي عن عسل إسود
 بيتحط في فرن نحاسي في أواني
 مخروطيه لمدة ١٥ دقيقة عشان
يطلع متماسك لكن بيدوب في
.بوقك أول ما تاكله

وطبعا في العصيدة 

و دي عبارة عن مكونات بسيطة زي
ماء, دقيق، عسل أسود وسمنة
بنحط الدقيق مع الماء ويتقلب على البارد وبعد كده يتحط على النار
 مع التقليب ونضيف عليه
 .في نص العملية دي العسل الإسود واللبن


وأخر حاجه بقى ممكن تجربها كتسالي
في نص اليوم أو حتى تختم يبها يومك
(الإندومي الصعيدي (القدوسية
ودي عبارة عن دقيق وماء وملح
بتتحط كل المكونات دي على بعضها
وتتخلط كويس، بعدين تتفرد بالنشابة
وتتقطع بالسكينة لشرائح طولية رفيعة وتتسوى بالبخار وتتغطى
.بقطعة من الشاش لحد ما يكتمل سواها

الأكل الصعيدي ممكن يكون ليه أسامي غريبة
أول مرة نسمع عنها, بس الأكيد أنها تجربة جديدة
ومختلفة وصحية لإن الأكل الصعيدي بيتطبخ
من مواد طبيعية بالكامل بدون إستخدام أي إضافات
كيميائية و بسمن بلدي وحليب طبيعي
وده بيخلي طعم الأكل أفضل وأصح وفعلا
.يخليك ماتنساش التجربة دي ودايما هتبقى حابب تجربها تاني