أكلات أقرب لقلب البنات

أكلات أقرب لقلب البنات

في المقال ده هنقدملك “روشتة” الوصول لقلب البنت, وسط المقال هتلاقي أسماء أقرب الأكلات لقلب ومعدة كل بنت, إحفظهم كويس وإتجدعن كده, بس متنساش تعزمنا على الفرح

أقرب طريق لقلب البنت الأكل لأنها لو طلبت “برجر” حيجي أسرع منك, ولو أكلت “شاورما” مشكلتها هتتحل وعمرها ماهتنام زعلانة طول ما في “ورق عنب” في البيت
حتفضل شايفها تنكة عشان بتآكل “سوشي” وهتنساك بـ “بيتزا” مع أصحابها في العربية

فعشان توصل لقلب البنت وعشان هي بتحب الأكل فالمقال ده هيساعدك جدًا، ودايمًا هتقدر تعبر عن حبك ليها بسهولة
حتجيب بوكيه شوكلاتة بدل الورد
وعشان هي على طول عايزة تاكل و بتنام وتصحى تدور على أكل فحتجبلها “فطير” وهي متعصبة بتدور علي آكل فحتخرجها وتأكلها مكرونة”
ولو زهقانة بليل حتجبلها “كنافة نابولسية”, ولوبتتفرج علي فيلم هتجبلها “فشار”
وبكده هتوصل لقلبها وهتبقى مبسوطة وشبعانة, فهتقوم هي تعملك الأكل اللي إنت بتحبه

وفي السطور الجاية هنكلمك أكتر عن كل أكلة منهم
….

البرجر

عشان بيجي سخن وعليه جبنة  سايحة، خس وبصل
ويا سلام لو كمان مشروم أو صوص باربكيو
ويكون معاه بطاطس مقرمشة وحلقات بصل
….

الشاورما

حلاوتها لما بتبقى ميكس فراخ ولحمة وعليها تومية كتير، وجنبها كمان تومية
….

السوشي

 أنواعه كتير ما بين مقلي وني, البنت قادرة تاكل منه ٥٠ قطعة عادي جدًا
….

البيتزا

كل سلايس فيها بيدخل الفرحة على قلب ومعدة البنت
يا سلام بقي لو عليها جبنة كتير وصوص رانش أو باربكيو ومعاها فلفل حراق
….

المكرونة

وجمالها لو بالصوص الأبيض وعليها قطع الفراخ، أو لازانيا وعليها جبنة كتير من فوق… ولا المكرونة المبقبقة
….

الفطير

فطيرة بجبنة سايحة كتير، ولا اللي بالسجق، وفطيرة السكر اللي متغرقة لبن
….

الشكولاتة

فوائدها كتير و أهمهم إنها بترفع هرمون “السيروتونين” اللي بينظم المزاج وبيقلل التوتر