سيطرة مصرية على الجائزة السويدية
النهاردة 10-ديسمبر هو حفل توزيع واحدة من أهم جوائز العالم ” جائزة نوبل “
.. وبالمناسبة دى خلينا نحكيلكوا عنها فى السطور اللى جاية :
جايزة نوبل واحدة من أهم وأكبر الجوايز فى مجال الانجاز الفكري فى العالم , و بدأت لما قرر ألفريد نوبل في عام 1895
بأنه يخصص معظم ثروته كصندوق لمنح خمس جوايز سنوية فى مجالات الفيزياء والكيمياء والطب والأدب
والسلام والاقتصاد وكتب فى وصيته
” تمنح الجوائز لأولئك الذين منحوا أكبر فائدة للبشرية خلال العام السابق”
وده كا نوع من الغفران لأنه أخترع الديناميت و للاسف البشرية أستخدامته أسوأ استخدام فى الحروب و القتل..
ماتقلقش هنحاول نسامحك يا نوبل
طبعا كمصريين بيجي فى دماغنا سؤال هوالمحظوظين اللي كسبوا الجايزة دى بياخدوا كام يعني ؟
الفائزين بجايزة نوبل بياخدوا 3 حاجات :
دبلومة نوبل و ميدالية نوبل و وثيقة بقيمة مبلغ الجايزة
(9 مليون كرون سويدي) والمبلغ بيتقسم بين الفائزين
وبالنسبة للمحظوظين اللي كسبوا الجايزة اللي معظمهم تقريبا أتبرع بيها لأن أنجازتهم أكبر بكتير من نوبل
..كان عدد العرب اللى حصلوا على جايزة نوبل هو 8 منهم 4 مصريين..
بما اننا أكتر شعب فضولي فا أكيد الفضول قتلنا نعرف كل مصري حصل على الجايزة أستقبل الخبر ازاى ؟
الرئيس الراحل محمد أنور السادات اللي يعتبر أول عربي ومصري يفوز بجائزة نوبل للسلام
1978 ولكن مقدرش يروح بنفسه يستلم الجايزة وأناب عنه المهندس سيد مرعي
الروائي نجيب المحفوظ و هو أول عربي يحصل على جائزة نوبل في الأدب 1988
لما بلغته زوجته أنه حصل على الجايزة قالها ” كفاية أحلام بقى ..وسيبينى أنام ”
ومكانش مصدق لحد أخر وقت و كان مقتنع انها دعابة.
العالم احمد زويل هو أول مصري يحصل علي جائزة نوبل فى العلوم وثاني عربي يحصل عليها فى الكيمياء 1999
وفي لقاء معاه ذكر ان الانجازات اللى حققها بعد جايزة نوبل أهم من جايزة نوبل نفسها .
مدير وكالة الطاقة الذرية محمد البرادعى وهو ثاني مصري يحصل على جائزة نوبل للسلام 2005
بعد الرئيس محمد أنور السادات.
.و بكده يكون معانا 2 نوبل سلام وعدد 1 نوبل أدب و 1 كيمياء يامسهل و الاوردر يكبر السنين الجاية
العظماء دول كلهم عملوا أنجازات أكبر من جايزة نوبل نفسها و لو ركزنا هنلاقي العامل المشترك بينهم ومش بس المصريين
ده كل اللى حصلوا على جايزة نوبل هو ان محدش فيهم كان بيسعى للجايزة والجوايز
مهما بلغت أهميتها مش ممكن تشتتهم لأن عندهم هدف أكبر بكتير و زى مابيقولوا كده عشان المتعة فى الرحلة
.مش فى الوصول.. نتمنى لكم رحلة سعيدة رغم صعوبتها