“قرن وتسع سنين من “الوفاء
(زى النهاردة يوم 5 يناير سنة 1911 تأسس نادي الزمالك تحت إسم نادي (قصر النيل
.لإنه كان مكان (كازينو النهر) الحالي بالجزيرة، وكان الغرض من مكانه أن يكون قريب من النادي الأهلي
(وفي سنة 1913 إتنقل النادي لمقر تاني مكان مباني (الشهر العقاري ودار القضاء العال
.وتغير إسمه إلى (المختلط) نسبة إلى المحاكم المختلطة اللي كان بيرأسها جورج مرزباخ رئيس النادي
وتغير إسمه للمرة التالتة إلى نادى (فاروق الأول) سنة 1941
ثم لإسمه الحالى نادى الزمالك سنة 1952 ، وإتنقل لمقره الحالى فى ميت عقبة سنة 1959
(حقق الزمالك 74 لقب منها 59 لقب محلي منهم ( 27 كأس مصر، و12 دوري
(و10 ألقاب قارية منهم ( 5 دورى أبطال إفريقيا ، وبطولة الكونفدرالية الأخيرة
:بعد حصة التاريخ دي تعالوا نسأل نفسنا سؤال أي مشجع لنادي تاني غير الزمالك بيسأله للمشجع الزملكاوي
“أنت بتشجع الزمالك ليه وإيه مصبرك عليه وهو بيخسر؟”
…تعالوا نجاوب على السؤال ده
أولا: يعني ايه مصطلح (إنتماء) ؟
“هو الارتباط الحقيقي بأمر معين والتمسك به والثقة فيه والمحافظة على الارتباط به وجدانيا وفكريا ومعنويا”
إرتباط المشجع الزملكاوي بناديه زيه زي إرتباط أي إنسان وتعلقه بشئ، هتلاقيه بيعتبره وطنه وبيته وبيعتبر اللاعيبة والمشجعين إخواته
هتلاقيه واثق إنه في يوم هيفرح بسبب نادي الزمالك، هتلاقيه حافظ كل أناشيد المشجعين، هتلاقيه حافظ أسامي لاعيبة لعبت في الفريق
قبل ما يتولد وماتشات من ايام الابيض والاسود ، هتلاقيه معلق علمه في أوضته وصور اللاعيبة مغرفة الحيطة
(ثانيا: شعار (سنظل أوفياء ، حتى تبتسم السماء
جملة ياما إتقالت من الزملكاوية لدرجة إن بقى بيستخدمها مشجعين الفرق التانية عشان يتريقوا على المشجع الزملكاوي
رغم إن مضمونا هي جملة بتمثل المشجع الزملكاوي
الزملكاوي عارف إن مهما الأمور ساءت ومهما الفرقة كانت سيئة وبتخسر هيجي يوم ويفرح
…على مر التاريخ الزمالك بيغيب غيبته وبيفرح جماهيره
يآخد الدوري سنة 1993 وبعدها بـ 8 سنيين يأخده 2001 و2003 و 2004 وبعدها يغيب 11 سنة
عشان يفوز بالدوري في 2015
الجمهور الزملكاوي عارف ده وبيظلوا أوفياء حتى تبتسم السماء فعلاً
،كروياً بيبقى في مناوشات وشد وتريقة وتعصب بين جماهير كرة القدم في كل العالم
،ولكن الطبيعي إنك لازم هتقدر المشجع الزملكاوي على كمية الصبر والوفاء اللي بيتحلى بيهم
.ومفعول السحر والثقة اللي بيبقوا جواه إن يوماً ما الزمالك هيفرحه