“آخر إختراعات وإفتكاسات الكنافة “نسخة كيك أوليشيز
رمضان شهر الخير والبركة والروحانيات… وكمان الحلويات!
بس في مصر في كل رمضان حتلاقي إختراعات جديدة في الحلويات…
ومفيش حاجة أطيب من الكنافة عشان الناس تقعد تخترع فيها وتجرب…
والحقيقة كل سنة بيطلعلنا إختراعات كنافية مبدعة جدًا ولذيذة جدًا… وروشة جدًا جدًا! 
وإحنا رمينا ودننا لأكيلة مصر وبالذات في إسكندرية وقلنا نسمع الكلام على إيه رمضان ده…
وحكوا لنا عن مكان توصّل لاختراعات كنافية شقية وشهية!!
المكان ده اسمه روش زي إختراعاته CakeOlicious موجود في منطقة سموحة جنب مسجد حاتم.
CakeOlicious عامل إيه بقى السنة دي؟!
عامل إختراعين اتنين جُداد جدًا…
وزي ما الناس بتقول لذاذ جدًا جدًا!
كنافة إكلير:
أيوه انت قريتها صح…
الإكلير اللي انت عارفه وبتحبه بس كنافة بقى…
وفيه منه 6 أنواع أحلى من بعض (نوتيلا/ شيكولاتة بيضا/ كراميل/ لوتس/ فراولة/ ريد فيلفيت) 
فنصيحة عشان تتمزج صح ابقى هات الأربع أنواع عشان تدوق كل واحدة وتحكم إنت أنهي أحلى طعم فيهم…
وحتكتشف إن الست أنواع تحفة، والتحفة أكتر إن أسعارهم بتتراوح من 25 لـ 30 جنيه للقطعة.
تشيز كيك كنافة:
وده ميكس خيالي من CakeOlicious بيجمع بين حلاوة التشيزكيك وأصالة وطيبة الكنافة وعصر اللوتس الذهبي! 😂
طبقة التشيزكيك كريمية جدًا وتدوب في بؤك مع طبقة الكنافة الهشة تحتها واللوتس فوق…
حتحلّي قاعدتك مع العيلة في رمضان وكمان حتحلّي قاعدة البيت ده أكيد.
والاختراع العظيم ده موجود في CakeOlicious بخمس أنواع كمان غير اللوتس…
فيه منه بالمانجا والفراولة وكاراميل ونوتيلا وبلوبيري، وأسعارها من 40 لـ 45 جنيه بس.
فتقدر تختار وتجرّب كذا نوع والشهر معانا طويل بقى.
،،
CakeOlicious عنده مينيو مليانة فعلًا حاجات وأنواع رمضانية كتيرة جدًا ومختلفة
والأهم إن أسعارها مش خزعبلية ولا تسد نفسك! 😂
والجميل بقى إنك مش محتاج تنزل ولا تجري تلحق قبل الحظر
عشان تجيب الحلو اللي إنت عايزه من هناك…
تقدر تطلبهم دليفري على 01276055465 أو من خلال أبليكشان Otlob أو أبليكشان Tayary 
ودي ميزة إنك تسأل مجرب وبالذات لو كان أكيل…
وإحنا طول رمضان حنفضل معاكم وإنتم ابعتوا وقولوا لنا عن أي مكان في أي حتة في مصر المحروسة بتعمل
أكل جامد يستاهل بوء المصريين.